陳通記

营业中

休息中

呢日同屋企人长洲一日游，话说当日天朗气清但系始终都比较热，咁有的话想食雪糕，有的就想扫街，咁只好各自揾好西食。对于钟意帮衬小店嘅我，就梗系去食地道啲嘅嘢啦，沿码头行下行下，听到有对后生拖友话有间好出名食沙爹牛肉面既...咁你知啦，沙爹牛肉基本上系我最爱美食之一，听到佢哋咁讲，梗系老实唔客气问下喺边间啦，咁我哋就一齐揾啦，原来系大排档入面叫做陈通记，我比较孤陋寡闻，原来开咗好多年，咁既然难得嚟到梗系试一试啦。见到佢餐牌选择并唔多，都系比较传统餐厅有嘅食物， 咁既然要留肚今晚食海鲜，咁晏昼就梗系食少少好啦，既然沙爹牛肉面咁出名，咁就一定嗌一碗试下啦，咁另一半就叫咗个蛋牛治。等咗一阵间终于上枱喇~~~ 首先讲一讲蛋牛治烘底先，卖相正常无乜特别，味道上同出面食开嘅分别唔大，不过佢既滑蛋配碎牛都唔会太过干身而且都几多汁，配埋烘底多士咁食，味道整体上都好香口。跟住呢就到出名嘅沙爹牛肉面，就咁睇佢嘅卖相老实讲有啲生菜伴底已经减咗分，不过凡事就唔好睇表面先，食落先知，饮咗一啖汤，发现佢有好香浓嘅沙嗲汤底配合花生碎，比起坊间既汤底，佢都好浓稠，公仔面都烟韧爽口，挂汤嘅情况相当好，但讲到主角沙嗲牛肉，反而