影片
更多
2014-06-29
2819 浏览
农历新年之前几日,公司提早放农历新年假期,去左长洲周围行,除左去故乡茶寮食红豆饼及手卷,亦都去左新照记茶餐小食店买怀旧糕点因过年关系,允升甜品当日已经收炉,冇得食芒果糯米滋,另一间天然甜品我去到时候已经提早收舖,冇得食芒果水晶卷及芒果汤丸,至于洲啤工房又话食团年饭提早收舖,下午四点去到都冇得食巨薯棒 虽然好多野都冇得食,不过可以试下长洲大鱼蛋 ,之前去工展会,见到有小食档卖长洲大鱼蛋,可见呢o的大鱼蛋几特别,工展会小食档真系问长洲鱼蛋档拎货黎卖其实岛上好多档都有得卖大鱼蛋,个个都话自己先系正宗,有档「时来食坊」有电视明星做代言人都几多人帮衬,真系花多眼乱,梗系谂住揾间最好食啦 甘永泰鱼蛋系最具规模,有四,五个舖位,见到舖外成枱都系鱼蛋,真系好壮观 仲有墨鱼丸,白鱼蛋,鲮鱼球,虾丸,鱼肉酿豆卜等小食可供选择,除左可以即场买黎食,客人亦可以外卖一斤斤返屋企自已煮平时冇乜买街边鱼蛋小食,今次难得黎到长洲不妨一试啦,当日大约 4pm去到只系得几个人排队,听讲假日人龙系好长架 呢o的长洲大鱼蛋一串只系得两粒, $10一串,话贵唔贵,话平唔平,同平时市区一串鱼蛋份量差唔多由于不停有客人帮
因过年关系,允升甜品当日已经收炉,冇得食芒果糯米滋,另一间天然甜品我去到时候已经提早收舖,冇得食芒果水晶卷及芒果汤丸,至于洲啤工房又话食团年饭提早收舖,下午四点去到都冇得食巨薯棒
虽然好多野都冇得食,不过可以试下长洲大鱼蛋 ,之前去工展会,见到有小食档卖长洲大鱼蛋,可见呢o的大鱼蛋几特别,工展会小食档真系问长洲鱼蛋档拎货黎卖其实岛上好多档都有得卖大鱼蛋,个个都话自己先系正宗,有档「时来食坊」有电视明星做代言人都几多人帮衬,真系花多眼乱,梗系谂住揾间最好食啦
甘永泰鱼蛋系最具规模,有四,五个舖位,见到舖外成枱都系鱼蛋,真系好壮观
仲有墨鱼丸,白鱼蛋,鲮鱼球,虾丸,鱼肉酿豆卜等小食可供选择,除左可以即场买黎食,客人亦可以外卖一斤斤返屋企自已煮
平时冇乜买街边鱼蛋小食,今次难得黎到长洲不妨一试啦,当日大约 4pm去到只系得几个人排队,听讲假日人龙系好长架
呢o的长洲大鱼蛋一串只系得两粒, $10一串,话贵唔贵,话平唔平,同平时市区一串鱼蛋份量差唔多
由于不停有客人帮衬,全部即叫即炸,我想买一串大鱼蛋,见到店员阿姐拎起两串放入油炉,由于炉火唔算猛,所以要耐心等候,等左大约一,两分钟先炸好
店员用纸氏包住串鱼蛋俾我,除左保持卫生,仲可以吸走多余o既油 小食店外有个公园仔,可以坐o系度食长洲大鱼蛋
因为即叫即炸,食落去热辣辣,外皮炸得几脆,金黄色,几香,内里雪白鱼肉都够嫩,味道鲜美 ,咬落都好弹牙,咸度刚好呢粒长洲大鱼蛋真系几大,一粒要分三啖食先可以 KO
鱼蛋本身o既味道已经足够,几好食 ,呢间甘永泰鱼蛋唔会提供甜酱,辣酱,咖喱汁或豉油等酱料俾食客,若果平时要捞满酱汁先食o既人肯定失望 睇返 OpenRice 其他人相片,似乎呢间小食店o既大鱼蛋系呢一年半先开始有得卖
长洲大鱼蛋虽然唔平,不过一分钱一分货,又系长洲独特街头小食,大家黎到长洲值得一试 ,日后再黎长洲,我都会再黎食大鱼蛋
张贴
