影片
更多
2022-03-01
1621 浏览
👹上次听过富妹讲想试吓滑蛋多士，熊妹知道太子开咗间由长洲过嚟嘅特色咖啡店《Moontone》，招牌菜就系食滑蛋多士，All Day breakfast同埋乳酪饮品，一于午餐嚟呢度chill下先。📌中午一点黎到， 刚刚开门未有人， 可以任坐。《Moontone》以单一粉色为主题，主要以天蓝色为色系，然后仲有深蓝色同埋粉紫色，全部都系少女心💕嘅pantone颜色，感觉好柔和，令人即刻赏心悦目👀。📌成间咖啡店嘅装修格局都好年轻化，除咗颜色系粉色系之外，仲有一大幅墙喺社交平台打卡位，都系食正年轻人钟意影相打卡呢条路。📸📌连餐牌都系社交平台化，有#㗎。除咗招牌盒子吐司之外，仲有沙律、意粉同甜品，饮品方面当然唔少得主打嘅乳酪饮品啦。📌另外，仲有期间限定嘅甘露系列，睇相都非常吸引。超丰盛全日早餐， $118港女嚟到港女餐厅梗系食港女常餐--全日早餐，熊妹见到谂都唔使谂就叫咗啦。全日早餐份量都几多，又几大份，包括有烟三文鱼、烟肉、大啡菇、薯巢、黑松露炒滑蛋、鸡肉肠、德国肠、沙律菜、大番茄、茄汁豆、蜂蜜同丹麦吐司。烟三文鱼食落冇渣，都算正常货；烟肉煎到干身咗啲，比较有点硬；大啡菇同大蕃茄上面都铺咗啲芝士
👹上次听过富妹讲想试吓滑蛋多士，熊妹知道太子开咗间由长洲过嚟嘅特色咖啡店《Moontone》，招牌菜就系食滑蛋多士，All Day breakfast同埋乳酪饮品，一于午餐嚟呢度chill下先。
📌中午一点黎到， 刚刚开门未有人， 可以任坐。《Moontone》以单一粉色为主题，主要以天蓝色为色系，然后仲有深蓝色同埋粉紫色，全部都系少女心💕嘅pantone颜色，感觉好柔和，令人即刻赏心悦目👀。
📌成间咖啡店嘅装修格局都好年轻化，除咗颜色系粉色系之外，仲有一大幅墙喺社交平台打卡位，都系食正年轻人钟意影相打卡呢条路。📸
📌连餐牌都系社交平台化，有#㗎。除咗招牌盒子吐司之外，仲有沙律、意粉同甜品，饮品方面当然唔少得主打嘅乳酪饮品啦。
📌另外，仲有期间限定嘅甘露系列，睇相都非常吸引。
超丰盛全日早餐
$118
36 浏览
0 赞好
0 留言
港女嚟到港女餐厅梗系食港女常餐--全日早餐，熊妹见到谂都唔使谂就叫咗啦。
全日早餐份量都几多，又几大份，包括有烟三文鱼、烟肉、大啡菇、薯巢、黑松露炒滑蛋、鸡肉肠、德国肠、沙律菜、大番茄、茄汁豆、蜂蜜同丹麦吐司。
烟三文鱼食落冇渣，都算正常货；烟肉煎到干身咗啲，比较有点硬；大啡菇同大蕃茄上面都铺咗啲芝士黎焗，多重味道，煎烤过好香，唔系就咁白烚hea 你，切落去好多汁，食材好新鲜；鸡肉肠德国肠咬落去啖啖肉，肉质唔霉，仲有油脂标出嚟，唔算普通货仔。
比较特别嘅系用上薯仔丝砌成左一个鸟巢嘅薯巢，薯巢上面仲摆放左一团炒蛋，十足十一个雀仔巢咁，造型非常特别。薯巢因为用好幼细嘅薯仔丝造成，炸到好脆口，超级香口，超级惹味，炒滑蛋有蛋汁又嫩滑又有实净位，好实在嘅一款炒蛋，中间仲放咗一啲黑松露酱，点少少口腔已经充满咗黑松露味，绝对系港女恩物。
丹麦吐司可算系嘅《Moontone》招牌产品，首先吐司上面印有《Moontone》招牌名，有个人特色又靓帮店舖做宣传，卖相已经好得。丹麦吐司嘅味道非常可口，食得出有好多层牛油酥皮，重牛油味之余，想甜啲又可以再淋上侧跟跟上嘅蜂蜜🍯，变成蜂蜜吐司，有咸有甜有松脆，就系丹麦吐司可口嘅味道。
食咁多淀粉质同肉类，就真系要食啲沙律菜清一清肠胃。沙律菜🥗拌上黑醋汁，好开胃又可以中和返肉类嘅油腻，配撘得非常好。
鳗鱼滑蛋吐司
$98
29 浏览
0 赞好
0 留言
一心来梗系要试吓滑蛋吐司呢个招牌菜啦！有软壳蟹同鳗鱼拣，熊妹觉得鳗鱼衬滑蛋会比较好味啲。
首先招牌吐司上又系印上《Moontone》招牌名，真系到处都做紧店铺宣传。丹麦吐司搽上蜜糖再焗烤过，又甜又香牛油味又松脆，呢个丹麦吐司真系做得非常出色，果然系招牌菜。
馅料有两厚身的鳗鱼🐟，面头浸满鳗鱼烧汁，超级惹味，鳗鱼肉质软腍无骨，就系想像中嘅味道，再连埋有蛋汁嘅嫩滑炒蛋🥚，浓味鳗鱼再加淡味滑蛋，味道非常夹，配料仲有少少生菜丝同埋芝士片，成件事就好似一份公司三文治咁🥪，咩材料都有，几重材料，几重口感，几重味道，
角酪
35 浏览
0 赞好
0 留言
甘露角酪（左）， $58
富妹想试吓期间限定，又好芒果，杨枝甘露角酪就真系啱晒啦。
甘露嘅主题系秋季，饮品杯侧边都有片枫叶做装饰，颜色主题以红色嘅红柚🍊同黄色嘅芒果🥭为主，设计方面已经颇有心思💗，值得一赞。
杯底又真系有红柚粒同芒果肉，红柚同芒果本身都系酸甜嘅味道，同乳酪一定好夹，识得用杨枝甘露嘅谂法配合自己嘅主题品牌角酪饮品，呢个做法真系非常聪明又恰当。✨
百香果角酪（右）， $38
熊妹本身都好好饮酸嘢，百香果加落乳酪一定劲夹劲好味。
果然有粒粒百香果果子，味道酸甜清甜，非常解渴，母店嘅角酪饮品果然做得非常出色。
角酪卷蛋
$52
23 浏览
0 赞好
0 留言
《Moontone》的招牌卷蛋-角酪卷蛋，胜在颜色鲜艳用上同《Moontone》一样嘅天蓝色，好靓呀！伴碟又系印有《Moontone》招牌字样，果然系到处都系《Moontone》。
蛋糕质感软绵，味道就系青清蛋糕咁，唔好以为天蓝色会有啲咩味道，因为天蓝色系一种色素唔系一种味道。以为入边系普通卷蛋配合嘅牛奶忌廉？食落去又有惊喜㖞！系加咗忌廉芝士同乳酪混合嘅芝士忌廉，中间紫色饀料仲有蓝莓味添，变成口感实少少，唔系忌廉𠮶种入口溶化嘅感觉，系好简单嘅一款下午茶茶点。
焦糖布甸吐司
$68
32 浏览
0 赞好
0 留言
其实一人一份正餐再加一杯嘢饮都好够饱，不过既然一场黎到，就真系唔争在试埋佢啲甜品。
焦糖布甸🍮好滑溜，入口软滑，重鸡蛋味，底部嘅吐司就系蜜糖丹麦吐司🍞，可能因为要成托住鸡蛋布甸，所以用上面包包皮𠮶块，变成厚实啲，硬正啲，再有咬口啲，吐司依然系印有《Moontone》招牌名，贯彻始终。
其实鸡蛋布甸同吐司又唔系话算好夹，一个就系软滑口感，一个就系松脆口感，好难两样嘢夹埋一齐食，始终都系分开两样食材嚟食，熊妹认为咁样嘅设计其实都系一个卖相gimmick野，造成一个特别嘅甜品，价钱正常都可以一试。
📌《Moontone》，一间由年轻人主打嘅社交平台店，由内到外都系社交平台打卡嘅地方，食物饮品都系正常咖啡店嘅价钱，大众化的食物配合母店的招牌角酪饮品，绝对可以喺城中站得住脚，掂！
张贴
