影片
更多
2021-04-06
1468 浏览
平时食开饺子嘅大家，系咪已经食厌咗冬菇鸡肉、韭菜猪肉饺呢啲大路嘅款式？今次介绍呢间饺子专门店，主打特色饺子，好似将大家平时食开嘅土匪鸡翼加落饺子入边。店主系土生土长嘅长洲人，虽然冇餐饮经验，但发觉长洲冇专卖饺子嘅舖头就开咗。一开始为咗研究新口味，每日朝早八点就开始备料，忙到夜晚11点先完，每款饺子都系自家研制同不断试出黎，直到而家店舖提供10款饺子，比较有香港特色平时食唔到嘅好似家乡肉饼饺、南乳豆卜饺、咸蛋黄黄金饺等。餐厅以传统冰室作为设计蓝本，加上旧式地砖同埋有香港特色嘅挂画同标语牌，令到铺头充满怀旧气氛。不过环境唔算宽敞，人多时会坐得比较迫。-1️⃣ 酸辣汤 跟餐 4只饺子+ 酸辣汤💰41（👅: 7/10）两个人食就咁叫两个六只饺子唔够饱，所以就叫咗呢个餐，有四只饺子架一酸辣汤。酸辣汤唔算辣，辣味会比酸味重，饮落比较普通，我觉得酸味同辣味唔够重，但呢个份量加饺子会食到饱，天气热嘅时候食会出汗。嘢饮叫咗四季春茶，饮有淡淡的茶味，加上天气几热，饮落好冰凉。-2️⃣ 咸蛋黄黄金饺 💰38（👅: 8.5/10）特别饺子得煎饺无蒸饺，实际系半煎炸既饺。饺子食落好脆口，尤其系饺子边煎到好香脆。咬落会
平时食开饺子嘅大家，系咪已经食厌咗冬菇鸡肉、韭菜猪肉饺呢啲大路嘅款式？今次介绍呢间饺子专门店，主打特色饺子，好似将大家平时食开嘅土匪鸡翼加落饺子入边。
店主系土生土长嘅长洲人，虽然冇餐饮经验，但发觉长洲冇专卖饺子嘅舖头就开咗。一开始为咗研究新口味，每日朝早八点就开始备料，忙到夜晚11点先完，每款饺子都系自家研制同不断试出黎，直到而家店舖提供10款饺子，比较有香港特色平时食唔到嘅好似家乡肉饼饺、南乳豆卜饺、咸蛋黄黄金饺等。
餐厅以传统冰室作为设计蓝本，加上旧式地砖同埋有香港特色嘅挂画同标语牌，令到铺头充满怀旧气氛。不过环境唔算宽敞，人多时会坐得比较迫。
-
1️⃣ 酸辣汤
酸辣汤
20 浏览
1 赞好
0 留言
跟餐 4只饺子+ 酸辣汤💰41（👅: 7/10）
两个人食就咁叫两个六只饺子唔够饱，所以就叫咗呢个餐，有四只饺子架一酸辣汤。
酸辣汤唔算辣，辣味会比酸味重，饮落比较普通，我觉得酸味同辣味唔够重，但呢个份量加饺子会食到饱，天气热嘅时候食会出汗。
四季春茶
10 浏览
1 赞好
0 留言
嘢饮叫咗四季春茶，饮有淡淡的茶味，加上天气几热，饮落好冰凉。
-
2️⃣ 咸蛋黄黄金饺 💰38（👅: 8.5/10）
咸蛋黄黄金饺
$38
7 浏览
1 赞好
0 留言
特别饺子得煎饺无蒸饺，实际系半煎炸既饺。
饺子食落好脆口，尤其系饺子边煎到好香脆。
咬落会爆咸蛋黄汁，咸蛋酱炒到起沙，食落会觉得有啲油腻，而且饺子会比起泡嘅咸蛋黄汁包住，口感上食到不过唔算话超重咸蛋味，可能因为猪肉馅味道重啲而盖过咗，反而入边嘅猪肉馅几好食同有份量。
-
3️⃣ 黑白土匪鸡肉饺 💰30（👅: 8/10）
黑白土匪鸡肉饺
$30
45 浏览
2 赞好
0 留言
特别饺子得煎饺无蒸饺，实际系半煎炸既饺。
饺子食落好脆口，肉汁丰富会爆出黎，会闻到同食到大家熟悉既三哥土匪孜然粉味，略嫌土匪味唔够重，同埋黑白芝麻炒得未够香。而入边嘅鸡肉都几大旧，份量充足，但佢系免治鸡肉，食落比较腍啲，比较起上嚟黄金饺嘅猪肉好食啲。
-
4️⃣ 五香芋头腊肠饺(蒸) 💰48（👅: 8/10）
五香芋头腊肠饺(蒸)
$48
15 浏览
1 赞好
0 留言
叫左两款特色饺都系得煎饺，所以就特登叫咗个蒸饺试一试。
饺子食落皮算薄，咬落去系烟韧，内馅足料，芋头同腊肠食到粒粒分明，口感丰富，芋头几甜，而腊肠带少少肉汁，所以饺子食落唔干身，蒸饺食到嘅啲内馅几新奇几满足。
-
🌟餐厅唔止得个样好似怀旧冰室，而系饺子嘅味道都系充满香港嘅特色，如果我要介绍黎长洲玩嘅外国人想食香港嘅特色野，会谂到呢一间小店，饺子价钱唔算贵，仲可以跟餐有野食同其他小食。煎饺炸饺口感上未算系食到最好食，但口味比较独特，而蒸饺比较少机会系小店食到，而且仲会有埋个蒸笼，总括嚟讲喺长洲系一间味道唔错非常有特色嘅小店，值得一试。
-
👅味道: 8.5/10
🍴环境: 7/10
💰消费: $157 (服务费: NA)
张贴
