嚐 (已結業)

卤水拼盘肉燥饭$49牛腩的确卤得几软，入晒味。豆腐同肉燥饭味道尚可，鸡翼同卤水蛋里面就唔够入味。冻华田恐龙，跟餐+9蚊，上面好多华田粉，成杯嘢好够华田味，但称不上有特色。卤鸡翼虾饼麻酱伴面$53芝麻酱浓，捞落个面变到偏干，如果个酱可以稀少少就好啦。鸡翼就同拼盘果个一样唔够味，相对黎讲虾饼好食啲。盐酥杂锦拼盘$38贡丸几香菇味，算唔错，花枝丸就正常。盐酥鸡，调味料OK，肉质都嫩滑，就系炸黑左少少。茄子软软地点埋啲汁都几好食。整体黎讲，环境几清幽、简约，服务良好，上菜速度几快，食物质素方面属于中等水平，不过呢间餐厅系新开张，有啲食物都仲未有，可能需要多少少时间去慢慢准备得好啲。