影片
更多
2024-06-09
584 浏览
海港酒家系大埔超级城果时已经成日去，搬左去宝湖商场之后去少左，但今日妈咪生日，佢又想食长脚蟹，于是book左8点去海港食晚饭。🥢 清蒸长脚蟹去到即刻去鱼缸果度拣蟹，只只蟹都好生猛，拣左只3斤12嘅清蒸，佢仲有其他煮法可以选择，但海鲜我都系钟意清蒸多啲。蟹膏仲可以拣拎嚟炒饭，不过我哋拣咗就咁上。只长脚蟹一放上枱，大家就拎相机即刻影相，好大只 🫶🏻 我地6个人食海鲜，啱啱好一人一只大蟹脚，仲有2只蟹钳可以分。好鲜好爽口好好味，蟹膏有一碗咁多，我哋钟意用佢黎捞饭或者当汁咁样点蟹脚嚟食。呢个清蒸长脚蟹真系大时大节啲点嘅一个菜式。🥢 龙趸两味三百几蚊有两个𩠌，仲要系龙趸，一个炒西兰花，一个清蒸加豉油，两款菜式都算唔错，龙趸啲肉爽口，唔食得蟹嘅爸爸主力K.O.晒呢两碟𩠌。🥢 蒜蓉炒通菜唔钟意食腐乳，所以改咗做蒜蓉炒，不过不失，都算大碟，啲菜煮得啱啱好。🥢 菠萝咕噜黑豚肉黑豚肉炸得香脆，配菜有菠萝同蜜桃，加埋酸酸甜甜嘅汁，开胃好味。🥢 蟠桃大寿包一打寿包系老人家庆生嘅必需品，六只奶黄馅，六只莲蓉馅，食完咁多𩠌之后每人食咗一个寿包已经好饱啦，剩返𠮶啲打包返屋企听日做早餐。海港嘅长脚蟹都算新鲜，服务态度
🥢 清蒸长脚蟹
去到即刻去鱼缸果度拣蟹，只只蟹都好生猛，拣左只3斤12嘅清蒸，佢仲有其他煮法可以选择，但海鲜我都系钟意清蒸多啲。蟹膏仲可以拣拎嚟炒饭，不过我哋拣咗就咁上。
只长脚蟹一放上枱，大家就拎相机即刻影相，好大只 🫶🏻 我地6个人食海鲜，啱啱好一人一只大蟹脚，仲有2只蟹钳可以分。好鲜好爽口好好味，蟹膏有一碗咁多，我哋钟意用佢黎捞饭或者当汁咁样点蟹脚嚟食。
呢个清蒸长脚蟹真系大时大节啲点嘅一个菜式。
🥢 龙趸两味
三百几蚊有两个𩠌，仲要系龙趸，一个炒西兰花，一个清蒸加豉油，两款菜式都算唔错，龙趸啲肉爽口，唔食得蟹嘅爸爸主力K.O.晒呢两碟𩠌。
🥢 蒜蓉炒通菜
唔钟意食腐乳，所以改咗做蒜蓉炒，不过不失，都算大碟，啲菜煮得啱啱好。
🥢 菠萝咕噜黑豚肉
黑豚肉炸得香脆，配菜有菠萝同蜜桃，加埋酸酸甜甜嘅汁，开胃好味。
🥢 蟠桃大寿包
一打寿包系老人家庆生嘅必需品，六只奶黄馅，六只莲蓉馅，食完咁多𩠌之后每人食咗一个寿包已经好饱啦，剩返𠮶啲打包返屋企听日做早餐。
海港嘅长脚蟹都算新鲜，服务态度不过不失。性价比算高嘅。
张贴
