影片
更多
2023-09-22
87 浏览
朋友喺openrice见到沙田丽豪嘅buffet有优惠，于是我哋就抱住试伏嘅心态去试下，估唔到比想像中好好多，性价比好高㖞 一入到嚟就俾海鲜吧吸引住，有长脚蟹，蓝青口，澳洲海虾同海蚬，长脚蟹系必食，大部分都算大条，可以拆到成大条蟹肉出嚟，唔使点酱都已经好鲜味，我再encore夹咗好多条，出面冇哂会再refill，唔使惊冇得夹，另外仲试咗青口同蚬都好新鲜 刺身嘅选择唔算多，有三文鱼，吞拿鱼，鲷鱼同希灵鱼，我试咗三文鱼同吞拿鱼，都好厚切同新鲜 佢嘅冷盘同沙律吧都好多选择，有唔同嘅烟三文鱼，火腿，其他cold cut同埋芝士，都好新鲜好靓仔 原来buffet做紧葡澳主题，好多热食例如有葡京叉烧，路环烧乳猪，荷兰街特色蟹粥，个蟹粥都几鲜甜有蟹味，其他热食就不过不失 好特别嘅系buffet仲有埋打边炉，每枱有一个药膳锅，可以喺出面攞啲唔同嘅菜，海鲜同肉，个药膳汤真系几香几好饮 甜品时间，厨师会攞住个叮叮钟，推住个火焰雪山蛋糕出嚟，望落都几澎湃，不过我哋留肚试其他就冇试佢 呢度buffet有Movenpick雪糕任食，有最经典嘅四只味，士多啤梨，朱古力，云呢拿同咖啡，我哋每人都食咗三杯 另外每枱仲
一入到嚟就俾海鲜吧吸引住，有长脚蟹，蓝青口，澳洲海虾同海蚬，长脚蟹系必食，大部分都算大条，可以拆到成大条蟹肉出嚟，唔使点酱都已经好鲜味，我再encore夹咗好多条，出面冇哂会再refill，唔使惊冇得夹，另外仲试咗青口同蚬都好新鲜
刺身嘅选择唔算多，有三文鱼，吞拿鱼，鲷鱼同希灵鱼，我试咗三文鱼同吞拿鱼，都好厚切同新鲜
佢嘅冷盘同沙律吧都好多选择，有唔同嘅烟三文鱼，火腿，其他cold cut同埋芝士，都好新鲜好靓仔
原来buffet做紧葡澳主题，好多热食例如有葡京叉烧，路环烧乳猪，荷兰街特色蟹粥，个蟹粥都几鲜甜有蟹味，其他热食就不过不失
好特别嘅系buffet仲有埋打边炉，每枱有一个药膳锅，可以喺出面攞啲唔同嘅菜，海鲜同肉，个药膳汤真系几香几好饮
甜品时间，厨师会攞住个叮叮钟，推住个火焰雪山蛋糕出嚟，望落都几澎湃，不过我哋留肚试其他就冇试佢
呢度buffet有Movenpick雪糕任食，有最经典嘅四只味，士多啤梨，朱古力，云呢拿同咖啡，我哋每人都食咗三杯
另外每枱仲有一个朱古力火锅，可以喺出面拎啲生果同埋棉花糖点嚟食，完全可以满足童心，教大家一个隐藏食法，倒啲朱古力落Movenpick雪糕上面就可以变成脆皮朱古力雪糕
出面仲有唔同嘅甜品可以任，我最推荐芒果椰汁西米露，芒果唔酸好清甜，仲可以自己加啲凉粉同红豆，又系发挥创意时间，加个Movenpick云呢拿雪糕落去就变成超丰富嘅甜品喇，今餐真系超满足呀
#foodie #自助餐 #buffet #酒店buffet #沙田美食 #香港自助餐 #刺身 #甜品 #movenpick #打卡 #拍拖好去处 #hkig #hkfoodieblogger #hongkonger #foodblogger #香港美食 #RegalRiversideHotel #沙田酒店 #沙田好去处 #酒店Staycation #Shatin #ShatinHotel #buffethk #香港丽豪酒店 #丽豪酒店 #自助餐 #dessert #濠餐厅
张贴
