一薯 (已結業)

行开旺角，见到呢间新开嘅炸薯条店「一薯」，见到啲人拎住一兜兜长薯条，上面仲有五颜六色嘅酱，真系见到都流晒口水，于是决定试一试。望一望餐牌，舖头不外乎有三种嘢食：长薯条、粗薯条同炸鸡。由于见到个个都系长薯条，所以都跟风叫返个，而不论长薯条或粗薯条都可以配唔同酱，例如黑松露蛋黄酱、车打芝士、日式青海苔等等，而我们就选择了日式沙律并蕃茄酱。由于即叫即炸嘅关系，所以都要等好一阵先拎到，热辣辣嘅薯条加上纵横交错排列嘅酱汁，的确系食完一条只手又会继续拎起另一条。长度方面，由于冇带间尺，所以冇实际数字，不过目测长过筷子嘅！至于味道方面，咬落脆卜卜，但里面嘅薯肉都仲几松香，不过可惜薯条嘅油溢味较重，食多两条，喉咙会有怪怪嘅感觉，所以呢度扣咗唔少分，不过都值得一试嘅！