半島漁港/阿翁火鍋館

营业中

休息中

今日约咗三个长辈食晏，其中一个长辈提意嚟呢间饮下午茶，话平时间唔中都会专登搭车入嚟呢度食嘢，话呢度大坐得舒服，味道唔错，仲话呢间嘅食物比其他分店好味添。我哋点咗好多点心，不过老人家胃口唔大，其他都系我同朋友包底。烧汁煎酿茄子，新鲜煎起好味。家乡咸薄撑。驰名烧腩卷，里面嘅腩肉好有份量，我哋再点多一份。黑椒牛仔骨，都好多肉，唔会大大旧骨。鱼肚棉花鸡球。鲜竹牛肉球。爽滑牛肉肠。蟹籽烧卖皇。家乡咸水角。流沙奶皇饱，流心效果满意，味道都可以。鲍汁炆鸡脚。味菜鹅肠炒河，鹅肠好爽口，唔系漂白𠮶啲。浓汤水饺鸡乌冬，其中一个长辈话鸡无雪味，冰鲜得嚟质素好。