顏府御膳 (已結業)

同屋企人食中菜唔可以求其，毕竟煮开饭嘅人对食材同烹调技巧会有要求，最后揾左呢间铜锣湾新开嘅精致中菜，装修别致，餐具讲究，而且服务周到，一入去印象已经唔错。餐前小食系香脆嘅琥珀合桃，另上一碟多瑶柱少辣嘅XO酱。🍽蒜片牛柳粒见menu推荐就叫左呢款前菜，牛柳粒肉味浓，大部分无渣，加埋炸香口嘅蒜片一齐食唔错。🍽是日例汤当日系海底玉米龙脷叶煲猪腱，睇个汤嘅颜色就知足料，加左玉米、萝卜同海底椰非常清甜，娘亲话龙脷叶有止咳润肺嘅功效，转天气饮啱晒。🍽砂锅凉瓜豉蒜炆头腩一开盖就闻到好香嘅蒜头豆豉味，鱼肉无腥味又嫩滑，无骨方便食用，砂锅令外皮焦脆，微苦嘅凉瓜索晒汁，好食。🍽颜府秘制一字骨卖相好似西式ribs咁，咬落好淋，入口即溶，似东坡肉嘅质感，店员介绍个汁系师傅秘制嘅烧肉汁，再浓少少会更好，但肉质真系好正！🍽砂锅大澳虾酱啫啫唐生菜胆我地眼阔肚窄叫左太多肉，最后黎返个菜，一开盖真系有嗞嗞声，虾酱味浓但唔会太咸，仲有大大只虾干，唐生菜胆爽脆，菜头唔会过硬，油左少少但味道好出色。虽然价钱唔平，但同食物质素成正比，而且每碟分量都颇大，屋企人话可以encore。