生龍清湯腩 (兆和街)

营业中

休息中

依家真系十年都无机会去一次荃湾呢，星期六放半昼探完小慧已经四点几，仲未食 lunch 好鬼肚饿呢 ﹗人生路不熟唔知点揾食，系附近兜黎兜去突见到间生龙，是但啦 ﹗急急医完肚就搭巴士返大埔整头发。崩砂腩河走葱，睇下您有几崩沙先 ﹗小猫三四只，全舖任您坐，够清静我钟意。试过旺角同大埔生龙，难得路经荃湾有缘一试，安全起建食河粉稳阵呀 ﹗以前试过大埔生龙既强碱汤面，尤有余悸，好惊呀 ﹗热辣辣汤河送到，好采唔系阔身沙河粉啫，我只钟意食幼河粉架乍，挂汤力比濶河粉更利害，口感一丝丝大爱。汤底好一般呢，略为啖口，不胶亦不浓，近乎普通牛汤底。崩沙腩高质，牛味浓厚，瘦肉软棉夹大量肉汁、崩砂边位咽韧又够胶，好食㖞，满意。自家辣椒油大路野好平凡，又唔香又唔辣，混上豉油咸咸地，好过无啦。