轉角 (已結業)

呢间喺华都商场转角嘅小店长期都好多人排队，平日晏昼嚟到都要等成五六张枱。不过店员嘅安排都几好，入去舖头嘅时候就即刻帮你落埋单，所以成个过程都唔驶等好耐我今日试咗佢个咖喱炸鸡扒蛋包饭，虽然佢写话系鸡扒，但系食落其实似鸡球多啲。外皮炸到脆口，里面嘅鸡肉都仲保留到肉汁，抵赞至于佢个蛋包饭，啲蛋系比较生𠮶种滑蛋，食落都有啲生蛋味，我自己就接受到，但系如果你唔受得生蛋嘅话，就最好叫厨房帮你整熟啲啦。咖喱汁方面都几够味，唯一系份量有啲少，捞饭就唔系几够啦。餐饮方面我就加钱叫咗杯latte，估唔到都几OK，个拉花仲几靓仔添！