永順食店 (已結業)

今日专登入元朗去大棠睇红叶，再去千岛湖。出发前要食午餐，我拣咗朗屏排队店。果然去到要排队，到我走时条队再长左好多。我哋嗌左沙嗲牛肉米线、炸猪扒配五香肉丁蟹王面同芝士流心蛋鲜牛治。芝士流心蛋鲜牛治打开时蛋黄即刻流晒出嚟，好吸引。整体食落唔错。沙嗲牛肉米线味道浓郁，十分惹味，果然系名物，而且牛肉份量足够又平，必食。炸猪扒配五香肉丁蟹王面都唔错。炸猪扒香脆，炸皮薄多肉。蟹王面反而无我想像中好食。男朋友话五香肉丁好食。