Dear Coffee & Bakery (已搬遷) 新店位置

二访黄得黎又好食嘅Dear，除左紫薯包系固定外，每星期都唔同款嘅手工面包，记得留意ig。上星期日12:00黎到已经有10几个人排紧队，好彩可以留电话唔驶晒住等，约前后等左约一个钟。如果要试手工面包的话记得早少少去，我买𠮶阵已经剩返两款，隔离台叫埋最后两个就沽清。.芒果乳酪抹茶贝果店员会用焗炉翻热，我地摊凉左少少先食，包体好有嚼劲，唔系Q弹𠮶种，比较扎实，但呢种质地都唔错，系切得有啲辛苦。烘焙用的抹茶多数偏苦，呢款都唔例外，食得出落左好多茶粉，而用酸酸甜甜嘅芒果乳酪做馅可以平衡返个味道，个人几欣赏呢个配搭。紫薯包之前已经介绍过就唔多讲，紫薯馅味道天然，软包水准依旧，无咩可以挑剔。Matcha Latte/Latte拉花好有心思，朋友话Latte正正常常，Matcha latte就落左好多抹茶粉，可惜未搞匀同无咩回甘。另外叫完先知原来有杯Matcha + Espresso 嘅 Utopia，下次试下先。