肥仔黎 (已結業)

呢排无得去台湾旅行食好嘢，唯有食住台湾盐水鸡顶住先。元朗有间成日排长龙既盐水鸡店，每日只有两个时段有盐水鸡卖：🕑13:00同🕕18:00，如果13:00𠮶转既盐水鸡卖晒，咁你就只可以等18:00𠮶转啦。因为知佢成日排长龙既关系，我就拣左一日平日放假既时候去买，谂住早啲排队。点知因为有其他野既关系，我成13:40先去到铺头，不过都好好彩，都仲有盐水鸡卖。但买完后仲要等20分钟左右先有得拎餐。🔍一人独享餐$45一人独享餐可以拣（鸡全翼/鸡腿/鸡胸）其中一个部位，再拣三个配菜同辣度。佢系用密实袋装住，你可以直接拎住走，好似台湾夜市咁。我就拣左鸡腿，鸡肉份量唔算多，口感都算嫩滑。配菜方面就拣左凤梨、甜不辣同百页豆腐。凤梨酸酸甜甜，可以解油腻感，甜不辣Q弹，但百页豆腐就无咩味。整体味道唔错，盐水鸡唔会话太咸，而系会食到好重既蒜蓉同胡椒味。但佢唯一既唔好处系真系要等好耐，建议大家如果想食，就要预留足够时间。