潮發餐廳菜館

营业中

休息中

難得放個大假，同朋友仔靜靜地入長洲慢活Chill一下先，傍晚時份，想話搵間飯店坐底醫下個肚仔，竟然比我哋發現呢間抵食首選既海鮮飯店。帶位姐姐真係無介紹錯，真係$188 3餸(海鮮/小菜)都得，另送一碟小炒時菜，仲追加另送一大碗例湯(當晚既例湯係粟米魚肚羹)。嘩...你真係無聽錯呀，加加埋埋真係成5個餸都只係$188，今時今日既香港真係越來越少咁抵食既海鮮，重點係要足料既，絕對無Fake你。我哋叫左個椒鹽瀨尿蝦、豉椒炒蟶子、沙薑雞，飯店另外送左碟炒氐菜比我咃，另加送一大碗粟米魚肚羹老老豆豆，兩個人食真係滿足到一個點。味道唔稱得上話西貢/鯉魚門食海鮮既級數，但係咁既價錢有咁多個餸，真係絕對有交代。先講椒鹽瀨尿蝦，絕對足秤之餘又炸到脆卜卜，椒鹽當然好惹味啦。豉椒炒蟶子則啖啖肉，唔會話見到成碟都係炒蟶子殼，而且又無沙，真係食得好放心。飯店好好，沙薑雞比左隻雞比我哋，真係好幸福呀。