潮發餐廳菜館

营业中

休息中

难得放个大假，同朋友仔静静地入长洲慢活Chill一下先，傍晚时份，想话揾间饭店坐底医下个肚仔，竟然比我哋发现呢间抵食首选既海鲜饭店。带位姐姐真系无介绍错，真系$188 3𩠌(海鲜/小菜)都得，另送一碟小炒时菜，仲追加另送一大碗例汤(当晚既例汤系粟米鱼肚羹)。哗...你真系无听错呀，加加埋埋真系成5个𩠌都只系$188，今时今日既香港真系越来越少咁抵食既海鲜，重点系要足料既，绝对无Fake你。我哋叫左个椒盐濑尿虾、豉椒炒蛏子、沙姜鸡，饭店另外送左碟炒氐菜比我咃，另加送一大碗粟米鱼肚羹老老豆豆，两个人食真系满足到一个点。味道唔称得上话西贡/鲤鱼门食海鲜既级数，但系咁既价钱有咁多个𩠌，真系绝对有交代。先讲椒盐濑尿虾，绝对足秤之余又炸到脆卜卜，椒盐当然好惹味啦。豉椒炒蛏子则啖啖肉，唔会话见到成碟都系炒蛏子壳，而且又无沙，真系食得好放心。饭店好好，沙姜鸡比左只鸡比我哋，真系好幸福呀。