段純貞X日出茶太 (MOKO新世紀廣場)

营业中

休息中

平日夜晚商场人流不多，经过就试下尼间台湾野，店舖大约一半系空，咁佢安排我地搭一张4人枱，左右都有人夹住，啲客既手袋都放系佢叫我坐既位。咁心谂点解咁多位都唔肯比人坐，咁我照佢安排咁坐，佢亦无叫左右客人拎开个袋，咁算啦照叫野食啦，一共叫3样野，2杯饮品。饮品叫荔枝茶30%糖，但都好甜，似街边𠮶啲茶饮店咁上下，而珍珠奶茶就正常。另外叫左两碗面同一个小食并盘，但嚟齐既话应该唔够位放，因为张枱系茶记4人枱中间加块木既厚板隔开，左右大声倾计完全系会好嘈𠮶只。咁问佢可唔可以转位，因为间铺一半空，同8点出面都无人再等位，咁问待应佢话可以。咁坐左另一张枱，门口待应就大大声教新人系我地隔离讲：「你地下次吖，唔好比人换位吖，两个人唔系坐尼度。」，其实我全程都系食左半个钟比三百几蚊，你一半吉位，出面都再无人等位，点解要搅到个个都咁迫。不过野食okay, 鸡汤手工面系好食，牛肉面就一般啦，但如果咁样比说话客人听，咁算啦，无下次又坐得唔舒服。