影片
更多
2021-06-10
42 浏览
平时好少上连城 今日咁啱有机会即管试下呢度d餐厅 上OpenRice 睇完觉得呢间可以一试 点知就中伏！Lunch 时段见入面未满 我一位 门口个男侍应初头安排我坐正厨房出面（喺正厨房出面）我见有其他枱就问有冇第二张枱 跟住佢即刻细细声闹 话其他果d都系4人枱 冇听错嘅话佢仲讲埋粗口。然后佢安排我坐另一张枱（其实都唔系4人枱，只不过佢将两张2人枱放埋一齐，隔离仲有个人食紧），跟住又细细声咁爆粗。我真系呆咗。闹还闹，唔该唔好闹出声俾我听到，或者真系唔想嘅话你都可以话得呢张枱 或者叫我再等等，我都可以接受。好喇，唔讲服务态度差，讲食物。认真个四宝粉极其量都只系普通货色，完全冇特别，份量亦不多，性价比偏低。个越南春卷由外观到味道亦不太吸引。咁都要$70。唔值。其实唔止我一个想调枱，之后有个客入到嚟都话想调，跟住同一个男侍应又系话因为系4人枱唔俾调，但系果度明明系两张分得好开嘅2人枱！好少写食评，但系差到咁冇得唔讲，以免大家再中伏！唔明点解咁多好评，之后再经过亦有好多客（可能好似我咁第一次试挂）。讲到几巴闭都冇用，要自己试过先知！$70当交学费，but ruined my lunch!要唔要中
Lunch 时段见入面未满 我一位 门口个男侍应初头安排我坐正厨房出面（喺正厨房出面）我见有其他枱就问有冇第二张枱 跟住佢即刻细细声闹 话其他果d都系4人枱 冇听错嘅话佢仲讲埋粗口。然后佢安排我坐另一张枱（其实都唔系4人枱，只不过佢将两张2人枱放埋一齐，隔离仲有个人食紧），跟住又细细声咁爆粗。我真系呆咗。闹还闹，唔该唔好闹出声俾我听到，或者真系唔想嘅话你都可以话得呢张枱 或者叫我再等等，我都可以接受。
好喇，唔讲服务态度差，讲食物。认真个四宝粉极其量都只系普通货色，完全冇特别，份量亦不多，性价比偏低。个越南春卷由外观到味道亦不太吸引。咁都要$70。唔值。
其实唔止我一个想调枱，之后有个客入到嚟都话想调，跟住同一个男侍应又系话因为系4人枱唔俾调，但系果度明明系两张分得好开嘅2人枱！
好少写食评，但系差到咁冇得唔讲，以免大家再中伏！唔明点解咁多好评，之后再经过亦有好多客（可能好似我咁第一次试挂）。讲到几巴闭都冇用，要自己试过先知！$70当交学费，but ruined my lunch!
要唔要中伏，自己谂！不过要有心理准备无啦啦俾人问候。😀
P.s. 系后生啲果个男侍应有问题，老果个ok。
张贴