漢城美食

营业中

休息中

小韩国街上门口不大，入到去好宽敞，仲有2张坐到12人嘅大枱，真系冇乜边间韩国餐厅有咁大张枱。就算一家大细，三代同堂食饭都唔使分枱坐👍🏻。原来2001年开业至今，可以话系尖沙咀嘅老店，而且价钱实惠。当然韩国人主理都好重要，够地道。🥢前菜：泡菜，蕃茄香肠片，煎饼泡菜真系间间唔同味，呢间咸啲，冇咁辣，啱我口味。少见有煎饼，蕃茄香肠片，唔错。🍙牛肉紫菜包饭 $84好香麻油饭包住牛肉同腌菜，就系简单好味，经典之选。🍗蜜糖牛油鸡翼(4只) $58平时都系食炸鸡半只，今次唔想食咁多，叫左4只鸡翼，炸得香脆，蜜糖牛油好香，仲有炸年糕，香脆软糯。🍜炸酱面 $89面好食，烟韧有咬口，似手工面。炸酱甜甜地，酱中有细细粒白萝卜，清甜，解到炸酱嘅腻。🍲芝士炒年糕 $95唔食得太辣嘅朋友可以叫小辣，以为炒年糕好干身，原来都好多汁，真系好钟意芝士配年糕呢个组合。