蔡潤記 (已結業)

前文讲到我去咗陈汉记食肠粉，但我留力食下一站，就系食蔡润记嘅鱼蛋喇。午饭时间黎，好旺场，虽然唔洗等位，但一定要搭台。想食乜？只要望住墙上面嘅餐牌就一目了然，呢度都几弹性，双拼唔洗加钱。不过我今日只想食鱼蛋河（$30）。汤头偏浓味，我已经冇加腩汁都觉得重味，河粉好滑溜，鱼蛋同鱼片属小巧型，细细粒咁，鱼味几足，亦够弹牙。台面有辣椒油，真系得油，冇辣椒渣，有啲可惜。一碗鱼蛋粉，份量细细，食量大嘅未必够饱，难怪我见周围嘅食客，有啲净食加碗面，有啲加底，各适其适随你钟意点配搭。