御犇麵館 (金禧花園)

营业中

休息中

喺大围揾嘢食，经过这一间牛腩面舖门口好似好劲好专家，厨窗又张贴明报专访，又话日日新鲜咁，搞到我以为佢系名店。坐低后我想要食得最好，所以我问店员牛什牛腩面可唔可以升级做牛什崩沙腩面，店员回答加$17可以帮我升级，我便答应了。面来到，我觉得𩠌好少，崩沙腩有五小旧，牛什更又少又碎少到睇唔到，咁样呢碗野就$73蚊，我心谂，都唔紧要，好味咪得啰。。。点知崩沙腩都算焾，但系完全冇味，牛什只有一旧极细旧嘅牛膀，太细旧食唔出系乜嘢味，牛肚又无味，汤底又无味，呢碗野真系少D忍耐力都食唔晒😡最后讲环境，地方窄、又污糟，店员顾住玩手机视像唔理客人落单，各方面都只能给他一个「差」字。