Pho Metro (已結業)

一个普通的星期四路经铜锣湾，一个人难得有时间食lunch于是上openrice睇下铜锣湾有咩新嘅越南餐厅 🍴就畀我揾到 Pho metro! 我见佢哋话自己系多伦多嚟嘅越南粉，即刻好有兴趣！😍自己在多伦多都住过几年，好挂住𠮶度嘅越南粉!!! 于是就行过去𠮶条街，一来一回行咗两次先揾到间舖头！个门面系好似金鱼缸嘅东西，根本睇唔到系越南粉！几乎行咗去越栈！入到去员工就带我坐低，但系之后冇理过我㖞🤔三分钟都冇攞个menu畀我😑 于是我就同其中一个女侍应打眼色，佢先至醒觉我枱面乜都冇然后就攞个menu俾我。 冇几耐pho到喇 🍜🍜 睇落个颜色就淡咗啲，但系间餐厅系唔会主动畀芽菜你嘅，又要我自己问真系觉得好烦！Anyways, 汤底系淡咗啲，同多伦多有出入，整体都可以接受啦70分。 另外试咗虾饼同埋芒果米纸卷，不过不失，我未必会再返嚟食，祝你哋好运!