美心西餅 (已結業)

同事试咗美心最近新出嘅澳洲牛奶蛋糕话超正，叫我都快啲试，所以，收工经过香港站美心就换咗条平平哋嘅牛奶卷（试食价$68）试试，贪佢细细条（比起平时晌美心见到嘅瑞士卷短少少），一家人晚饭后当甜品食，啱啱好清得晒唔会剩。无论个包装盒，抑或条牛奶卷，外型都极尽心思，贴题到爆，先讲个盒，真真正正嘅一「头」一「尾」，非常有趣。另外，更附送一张类似书签嘅黑白牛牛卡仔，的骰得意，打开原来正正喺介绍其「3.9澳洲牛奶系列」产品，由咩组成就一清二楚。其中嘅3.9澳洲牛奶卷，由外而内，分别喺白雪雪嘅蛋白蛋糕加竹炭黑朱古力蛋糕，而里面喺3.9有机牛奶忌廉加粒粒3.9有机牛奶奶冻。咩叫做3.9？即喺含奶脂嘅百份比，一般牛奶大概有3.00-3.3%奶脂，有啲好似北海道去到3.6，依家依只澳洲牛奶去到3.9，所以，更浓更滑，再者，牛奶有益健康嘛。牛奶卷加入竹炭黑朱古力做嘅乳牛黑斑，做成黑白乳牛嘅造型，一黑一白令到整条牛乳卷别致可爱，卖相超萌。虽然，讲到尾佢都只喺一条瑞士卷，但肯花心思嘅又岂会平平凡凡，普通不已呢。外层蛋糕做得好松软清香，好有弹力，虽然有一朕朕竹炭黑朱古力层，不过竹炭唔会好有咩味，而黑朱古力部份亦应该