影片
更多
2018-09-02
954 浏览
个多两个月前，原本喺去KCC朋友推介嘅日本餐厅，但原来星期六晚好多餐厅都唔开，偶然间就过咗去Life@KCC，反而有几家餐厅有营业，可以讲喺KCC嘅附属商场。当晚就试咗「康奇拉沙」（U Favorite），并发觉隔离有间台湾菜小店「大公鸡」，是晚就喺晌度食晚饭。「大公鸡」跟同层其他餐厅唔同，比较「入铺」，所以，咪睇佢门面细细，里面其实环境几大，目测估计都有超过50个位。装修简约，地方企理，一边有落地大玻璃对住街景，虽然喺马路景，但感觉会更开扬。餐厅点解叫「大公鸡」？晌门口旁嘅大海报就正正有介绍名字由来（照抄如下）：位于嘉义县六脚乡永贤村，每天清晨，伴随着明亮的公鸡蹄叫声中，有一位留着胡须，身型壮硕的大厨，天天于村里食店埋头苦干，预备著新鲜牛骨及蔬果，动辄花上10多个小时去熬制汤底。这一碗牛肉面，汤底味道甘浓鲜香，牛肉入味腍滑，面条滑溜入味。由于味道奇佳，口碑载道，当地村民称这碗面为「大公鸡牛肉面」。除牛肉面喺其招牌，另一边嘅黑板仔又写咗3款厨师推介。如果本身无乜心水，大可以从呢啲推介谂谂。至于主餐牌，摊开去，两大版睇晒，分别有台式捞面、宝岛香饭、手工汤面、士林夜市小吃及多种台风特饮，定
「大公鸡」跟同层其他餐厅唔同，比较「入铺」，所以，咪睇佢门面细细，里面其实环境几大，目测估计都有超过50个位。装修简约，地方企理，一边有落地大玻璃对住街景，虽然喺马路景，但感觉会更开扬。
餐厅点解叫「大公鸡」？晌门口旁嘅大海报就正正有介绍名字由来（照抄如下）：位于嘉义县六脚乡永贤村，每天清晨，伴随着明亮的公鸡蹄叫声中，有一位留着胡须，身型壮硕的大厨，天天于村里食店埋头苦干，预备著新鲜牛骨及蔬果，动辄花上10多个小时去熬制汤底。
这一碗牛肉面，汤底味道甘浓鲜香，牛肉入味腍滑，面条滑溜入味。
由于味道奇佳，口碑载道，当地村民称这碗面为「大公鸡牛肉面」。
除牛肉面喺其招牌，另一边嘅黑板仔又写咗3款厨师推介。如果本身无乜心水，大可以从呢啲推介谂谂。
至于主餐牌，摊开去，两大版睇晒，分别有台式捞面、宝岛香饭、手工汤面、士林夜市小吃及多种台风特饮，定价普遍都唔贵，又无加一。
枱上已放咗点菜纸，自己剔完交俾侍应就可以喇。不过，同时留意到点菜纸上，仲印有午餐及下茶，但下午茶部份就被删除咗，相信已经无再供应，只喺午餐本身嘅供应时间喺11:00am-6:00pm，都横跨埋下午茶时段。
餐具、纸巾、牙签采用茶记「机关」，全部放晒晌枱下柜桶，拉开就见乜都有，自己拎好过麻烦啲侍应。
台南拼盘 $62想试佢啲台式卤水，叫一客台南拼盘就最好不过，因为一份有齐牛腩、大肠、牛筋、牛肚、卤蛋，仲有卤豆腐。细份卖$62，大份卖$82，我哋点份细嘅，觉得已好够3-4人食。由于叫咗碗红烧牛肉面，所以，牛腩等阵先讲，依家，就分享其他卤水嘢先。
台南拼盘（细）
$62
15 浏览
0 赞好
0 留言
跟港式嘅猪大肠好唔同，啲大肠刮晒啲肥膏，而且，洗得非常干净，食落一啲都唔觉肥，亦完全无猪臊味。
牛筋正，啲牛筋炆到又软又腍，咬落去有种啜口感，骨胶原爆发嘅感觉，最难得喺够晒入味，嗒得出卤水嘅醇香。
牛肚几款卤水都有个特点，就喺十裁得比较大件，唔会碎湿湿，牛肚都一样，口感柔软得嚟带少少爽口感。讲开啲卤水，每款下面都垫有少少白萝卜，清甜无渣。
卤蛋众多卤水中，比较无咩特别，叫做正常无大问题，叫交到功课。
卤豆腐老婆就好欣赏，因为，确喺好有豆香，口感实净有咬口，同样，食落好有卤水香。
台北生煎包 $32一客3只生煎包，只只外形包得一致，又涨卜卜。煎得个包底好脆口，而包身好软熟，咬落唔黏牙，不过，个人略嫌包心嘅肉馅偏少。
台湾红烧牛肉面 $62手工汤面有4款：红烧牛肉、红烧牛肚、红烧牛筋及杂锦红烧，即喺有齐咁多款式。其实，我哋点一客卤水拼盘已试齐咁多样嘢。肉燥、鲁肉一类老婆嫌太油太腻，蚵仔面线佢又麻麻，都有谂过嗌台式捞面，最后，都喺决定点番手工汤面，纯粹睇吓佢个汤底喺点。
台湾红烧牛肉面
$62
12 浏览
0 赞好
0 留言
珍珠奶茶 $22台式饮品一向都颇有特色，如加入珍珠呀、仙草呀、奶盖呀……等等，不过，今次就还原基调，饮番吓珍珠奶茶，因为都耐无饮，一过口瘾而已。奶茶做出基本水准，茶底都几香，入口都几醇和，珍珠口感亦具烟韧，最欣赏喺唔会落到半杯都喺冰嘛。
百香果绿茶 $20老婆就拣热饮，佢一向都几钟意热情果份酸甜果香，估唔到配上绿茶嘅「百香果绿茶」真喺几好饮㖞，𠮶阵果香几清脱，酸酸甜甜。事后我哋都有问喺唔喺以新鲜热情果冲，回覆虽然话唔喺，而喺用上台湾产嘅果胶，再问会唔会问香港有得买，可惜喺原产地直送，佢哋都唔知。否则，买嚟秋冬天冲茶饮，感觉一流。
百香果绿茶
$20
15 浏览
0 赞好
0 留言
张贴
