影片
更多
2017-08-30
2623 浏览
之前嚟过红烟窗两次，觉得唔错，所以今次趁开学前同妈咪食番餐，预祝开学顺利 交通： 呢间自助餐嘅位置非常方便，处于市中心，邻近佐敦站，一出站步行几分钟就到酒店环境：虽然酒店并唔系大，但餐厅都几阔落，环境亦都舒适。我去个日可能因为 weekday, 所以并唔系好多人，餐厅方面比咗张四人枱我哋两个， 所以整餐亦食得好舒服，好多位置摆放食物。服务：餐厅服务员都 ok la，每次收碟嘅速度都唔慢，亦有礼貌。××××××××××××××××××××××××××××××食物：1）刺身：呢度刺身嘅选择唔算多，有四款，个人净系试咗三文鱼同红鲷鱼，两样都几鲜甜，三文鱼亦都系厚切，每次比3－4片左右。另外仲有玉子同一种唔记得叫咩名嘅鱼，我就冇乜兴趣，最终无试。2）冻海鲜：海鲜有四种，包括海虾，小龙虾，青口，生蚝。 －海虾味道鲜甜，好好味，值得推介。 －小龙虾就冇乜肉，我净系食咗一只，之后都冇乜兴趣再食，唔食冇损失
交通： 呢间自助餐嘅位置非常方便，处于市中心，邻近佐敦站，一出站步行几分钟就到酒店
环境：虽然酒店并唔系大，但餐厅都几阔落，环境亦都舒适。我去个日可能因为 weekday, 所以并唔系好多人，餐厅方面比咗张四人枱我哋两个， 所以整餐亦食得好舒服，好多位置摆放食物。
服务：餐厅服务员都 ok la，每次收碟嘅速度都唔慢，亦有礼貌。
××××××××××××××××××××××××××××××
食物：
1）刺身：呢度刺身嘅选择唔算多，有四款，个人净系试咗三文鱼同红鲷鱼，两样都几鲜甜，三文鱼亦都系厚切，每次比3－4片左右。另外仲有玉子同一种唔记得叫咩名嘅鱼，我就冇乜兴趣，最终无试。
2）冻海鲜：海鲜有四种，包括海虾，小龙虾，青口，生蚝。
－海虾味道鲜甜，好好味，值得推介。
－小龙虾就冇乜肉，我净系食咗一只，之后都冇乜兴趣再食，唔食冇损失
－青口就不过不失，正正常常
－生蚝系来自纽西兰，好好味，非常鲜甜，带少少海水咸味，系回本之选
3）熟食：熟食选择唔多，普通嘅炒饭炒乌冬，炒菜等等。不过佢嘅烧鸡同烧鸭都几好味，有酒楼炸子鸡嘅味道。熟食仲有炸蟹钳同炸虾丸，味道 尚可，冇乜特别。搞笑嘅系熟食又有炒青口... 点心亦包括烧卖，虾饺，牛肉球。最饱肚嘅系猪仔骨，大大旧肉，但味道麻麻，唔识冇损 失，留返个肚食多啲蚝仲好。
4）烧牛羊：自助餐有烧牛是常识吧。呢度嘅烧牛有啲韧，但味道 ok; 此外，呢度仲有烧羊，个人觉得普通，因为自己唔太钟意苏味。
5）烧物：呢间自助餐有一个位系专做烧物，食物系即刻烧，有鸡翼，粟米，鱼丸，香肠等，几特别。鸡翼为个人推介，好 juicy，好味！
6）面档：呢度嘅面档选择几多，除咗 common 嘅墨丸，豆卜，时菜等，仲有啲车仔面嘅食物，包括猪红，鱼蛋，萝卜牛腩等。
7）饮品：呢度嘅饮品并唔系每人包一杯餐饮，而系任饮。选择都几多几特别，除咗基本嘅咖啡柠茶奶茶之外，仲有苹果同橙汁沙冰任饮，亦有热 朱古力同西柚汁，选择多元化！
8）甜品：甜品选择唔多，不过基本嘅 cheese cake, pancake 都有。惊喜系有 movenpick 雪糕任食，不过我就食得太多蚝太饱，冇食。
整体嚟讲呢度食物选择唔算太多，但价格合理，性价比都算系几高。好处系有生蚝食，系lunch buffet 少有的。加上环境舒适，服务良好，绝对可以推介俾其他人。入嚟斋食海鲜都够回本！
张贴
