意粉 360 (已結業)

话就话开学日，但对我黎讲已经无乜意义。因为我都唔会呢日开学，虽然如此，但都要食饭架。哗！真系估唔到咁多人，都要等一阵位。可能真系开学先多人啦。忌廉汤一如以往既味道，蘑菇既份量都几多。而且又几好饮，而伴汤既蒜蓉多士好脆口。呢个又几好架，食得过。鸳鸯带子石锅饭个带子有几鸳鸯，我就唔系好feel到。讲个带子，其实个味道就无乜特别，淋淋地又几好食。都算唔错既。而个饭既汁系忌廉汁，又几惹味。而呢次个饭都几多饭焦，食得好满足。葡萄梳打冰呢个特饮几好饮架，个葡萄其实系葡萄糖水。不过又唔算太甜，总之个味道系几夹架。整体上都唔差既，只不过因为系开学日。人流比平时多，而且人手又唔够。点都好，实有下次既。