悠蔬食 (渣甸中心) (已結業)

啱啱过完农历年，初七第一日开工吉日。夜晚约咗女朋友食饭，同佢一致认为要食下斋，食下素食养生同配合下节日。喺铜锣湾揾到呢间都几出名嘅素食餐厅。冇book位以为冇乜人，就咁走上去walk-in，所以等左一阵先有得食，但系都算快10分钟左右。入到去个装修都几好，睇落舒舒服服！入到去餐厅职员即刻同我地介绍餐厅招牌菜及套餐，服务态度几好👍🏻 睇得出系有心机照顾客人！ 因为本身今日胃口麻麻地，可能系因为要开工😂我哋最后冇点到套餐，只系散叫。对于我呢啲食肉兽而言，本来冇乜咩期望，谂住陪女朋友应吓节就算。点知原来呢间素食餐厅有别于其他斋铺。唔系𠮶啲整啲素叉烧素鱼肉加素牛肉啲铺头。系我哋嘅角度，呢啲先系真正嘅素食餐厅！ 我地点左三个𩠌，分别系咸香茄子猴头菇豆腐煲，百合杞子豆乳浸温室皇帝苗，同杂锦香桩炒饭。 第一个出嘅系百合杞子皇帝苗，我女朋友劲钟意食觉得好健康，我识落就真系觉得系冇味精，同埋够新鲜，可能同女朋友成日打边炉嘅关系，我哋习惯性饮埋呢个𩠌啲汤。哈哈第二个茄子猴头菇豆腐煲够入味，不过不失。但系佢个炒饭就值得一赞，每粒饭都分明同埋冇油系底。师傅应该功夫够深。大家钟意食斋嘅朋友不妨一试呢间素菜餐厅。