影片
更多
2011-02-04
9 浏览
比预期迟左2个月在万众期待下潮人饭堂终于O系西湾河隆重登埸啦。食物点左4人餐:云腿素翅、XO酱爆花枝珊瑚蚌、鸡汤泡菜苗、清蒸班、黄金鸡、瑶柱蛋白炒红米饭、蛋白杏仁茶。送既有蚝饼同捞起。云腿素翅: 翅的分量尚算足料，不过冇乜其他料，略嫌寡左D。侍应竟然完全无意图帮忙分翅，要客人自己分都系第一次见!XO酱爆花枝珊瑚蚌: 味道不俗。鸡汤泡菜苗: 点菜前问了侍应是日菜苗系白菜仔，送到黎原来系豆苗。不过味道都唔错。清蒸班:几大条，四个人食一定够。黄金鸡: 味道对板，不过血红色既部位太多。瑶柱蛋白炒红米饭:几好，炒得够干身，加埋红米又健康口感又好，不过碟饭真系摆得核突左少少，未食经已好似比人食过摷乱晒咁。蚝饼: 卖相麻麻地，正常黎讲蚝饼应该好似PIZZA咁排成圆形，潮人饭堂既做法却是将一块块蚝饼叠起来，看上去当然不够吸引。幸好味道OK，亦唔会啖啖得蛋酱冇蚝。意头菜:捞起: 即炸芋丝切成条状。汁多D既话会几好。杏仁茶:杏仁味够，但系整碗杏仁茶只系揾到一粒蛋白，过甜。服务: 侍应们颇为散慢，既没有记熟菜单上既𩠌菜，又没有细心留意客人既需求，例如冇理会客人连汤还没喝完就不停上菜，落漏单同储单一次做既情况
食物点左4人餐:云腿素翅、XO酱爆花枝珊瑚蚌、鸡汤泡菜苗、清蒸班、黄金鸡、瑶柱蛋白炒红米饭、蛋白杏仁茶。
送既有蚝饼同捞起。
云腿素翅: 翅的分量尚算足料，不过冇乜其他料，略嫌寡左D。侍应竟然完全无意图帮忙分翅，要客人自己分都系第一次见!
XO酱爆花枝珊瑚蚌: 味道不俗。
鸡汤泡菜苗: 点菜前问了侍应是日菜苗系白菜仔，送到黎原来系豆苗。不过味道都唔错。
清蒸班:几大条，四个人食一定够。
黄金鸡: 味道对板，不过血红色既部位太多。
瑶柱蛋白炒红米饭:几好，炒得够干身，加埋红米又健康口感又好，不过碟饭真系摆得核突左少少，未食经已好似比人食过摷乱晒咁。
蚝饼: 卖相麻麻地，正常黎讲蚝饼应该好似PIZZA咁排成圆形，潮人饭堂既做法却是将一块块蚝饼叠起来，看上去当然不够吸引。幸好味道OK，亦唔会啖啖得蛋酱冇蚝。
意头菜:捞起: 即炸芋丝切成条状。汁多D既话会几好。
杏仁茶:杏仁味够，但系整碗杏仁茶只系揾到一粒蛋白，过甜。
服务: 侍应们颇为散慢，既没有记熟菜单上既𩠌菜，又没有细心留意客人既需求，例如冇理会客人连汤还没喝完就不停上菜，落漏单同储单一次做既情况亦颇为严重，再培训是必须的。
总括黎讲，食物质素还可以，不过楼面既进步空间真系还有很多！
张贴
