滬江飯店 (已結業)

好好好姊妹请食生日饭，佢推介臭豆腐，平时只会响MK食嘅街头小食，坐在环境舒适嘅地方，哩个升级版臭臭由厨房到上枱系无味，食嘅时候就闻到浓浓臭豆腐味，好神奇，外脆内软兼辣咀，醮甜、辣酱别有一番风味。冷盘雪菜白肉的雪菜好零碎，内里加一薄片青瓜，就算醮汁都比较淡口，好清爽，不过重口味嘅我唔太钟意。孜然羊肉先将羊肉片炸到酥香，另加芹菜香，佐酒应该好惹味。辣子鸡啖啖肉，炸至咸香，份外香口。煎锅贴皮薄而且软熟，馅料好多菜味道适中，所以唔觉油腻。