小南國 (已結業)

开心系因为咪咪可以同架架食 lunch，可惜其实餐饭只系好一般。架架咪咪未试过一齐食小南国，所以都系点平时食开既面类同点心，包括：罗汉素鹅（$38），上海担担面（$35），小笼包（5只）（$30），红油抄手（8只）（$30），椒盐小黄鱼（2条）（$50）。另外，茶每位 $12，仲有碟酸菜，不过我地唔要，所以无计钱。罗汉素鹅：以为系炸既，点知系卤水，几咸，同埋入量睇落好少，只够两人食，亦只系开胃冷盘，食左同未食无咩分别。上海担担面：绝对系一人份量，可能一个人食会够饱，但系我地两个人 share。个面无辣味，花生／麻酱极少，食食下点解个汤咁甜架？！净系得担担面既「形」，无担担面既「味」。但系面质唔错，弹牙！小笼包（5只）：架架觉得都OK，皮算薄，每只都有汁，夹落碗都唔穿，不过咪咪觉得普普通通，皮唔够薄，大家意见有D分歧。红油抄手（8只）：酱汁好小，最初以为辣辣地，点知道食落毫无辣味，加上唔系好热，失望！椒盐小黄鱼（2条）：从来无食过，好多台都有叫，架架咪咪都试下，要两条起叫。椒盐味唔重，但系炸得几甘香，鱼肉嫩滑，鱼皮香脆，用黎送饭会一流。虽然细细条，但系食完一条都好饱，25 蚊一条真系贵呢