一只酸奶牛 (已結業)

男朋友知道我一直都好钟意饮酸奶，留意到旺角新开左一间酸奶店，就即刻带左我过去😆哩间酸奶店既装修几靓，店舖嘅左边就系收银同埋制作饮品嘅地方，而店舖嘅右边有吧枱同凳, 比客人坐系度慢慢饮。店入面仲专登设计左唔同款式嘅霓虹灯牌, 比客人影相打卡，的确咁样系影到多啲靓相😂佢嘅酸奶都有好多唔同既种类，我哩个重口味嘅人当然就拣咗特浓酸奶。🎈特浓酸奶紫米露 $36酸奶味道唔够浓郁，反而乳酸味比较重，而紫米嘅份量几多，而且都几有咬口。但系如果拎佢黎同我是酸奶君比较，呢一间即刻输咗，我会拣我是酸奶君，因为佢嘅酸奶味道真系浓郁好多。如果经过呢边, 口渴又想打卡嘅话都可以试吓，不过个人就会推荐我是酸奶君多啲。