影片
更多
2021-06-13
2447 浏览
我哋嘅死佬饭局晌疫情之下，两年几无搞过，适逢其中一位死佬就快生日，就草草哋3丁友搞咗个死佬小饭局庆祝吓，兼讲吓近况。揾餐厅由小弟负责，方便大家就拣咗铜锣湾区，而年几前试过「Fuhn」，觉得几好，而老友都喜欢食越南嘢，小饭局就决定晌度食。时隔一年，环境就无咩转变，装修依旧简洁明净，以四人枱为主，部份间起大型胶板成为两张二人枱，是夜眼见都几多人帮衬，可见「Fuhn」嘅出品都有一定质素。而我哋一行3人，被安排坐晌最尾一角，自成一角，当然最好，你知啦，麻甩佬有时讲嘢越讲越大声，嘈到人哋就无咁好啦！枱旁放咗几款食越南菜嘅基本调味酱料，如自家制鱼露、是拉差辣椒酱及酱油。餐牌就好似唔同咗，变得简单咗，翻一转餐牌，款式依然咁多，以种类分，就分为汤粉、捞粉、饭品、特色菜、米纸卷、拼盘、法包、沙律、小食、甜点、儿童餐。饮品方面，同样喺选择多多，咖啡、椰青、沙冰、奶昔、梳打、特色花茶、啤酒……等等。冰砖鲜奶咖啡 $48平常食鲜奶咖啡喺饮热嘅多，因为睇到靓嘅拉花就特别赏心悦目，不过，今次见佢哋有款「冰砖」就转试吓冻嘅鲜奶咖啡。送到嚟嘅咖啡有4大粒咖啡冰砖，慢慢溶，所以，基本上喺越饮越香浓。但个人意见，一起手嘅
时隔一年，环境就无咩转变，装修依旧简洁明净，以四人枱为主，部份间起大型胶板成为两张二人枱，是夜眼见都几多人帮衬，可见「Fuhn」嘅出品都有一定质素。
而我哋一行3人，被安排坐晌最尾一角，自成一角，当然最好，你知啦，麻甩佬有时讲嘢越讲越大声，嘈到人哋就无咁好啦！
枱旁放咗几款食越南菜嘅基本调味酱料，如自家制鱼露、是拉差辣椒酱及酱油。
餐牌就好似唔同咗，变得简单咗，翻一转餐牌，款式依然咁多，以种类分，就分为汤粉、捞粉、饭品、特色菜、米纸卷、拼盘、法包、沙律、小食、甜点、儿童餐。
饮品方面，同样喺选择多多，咖啡、椰青、沙冰、奶昔、梳打、特色花茶、啤酒……等等。
冰砖鲜奶咖啡 $48平常食鲜奶咖啡喺饮热嘅多，因为睇到靓嘅拉花就特别赏心悦目，不过，今次见佢哋有款「冰砖」就转试吓冻嘅鲜奶咖啡。送到嚟嘅咖啡有4大粒咖啡冰砖，慢慢溶，所以，基本上喺越饮越香浓。但个人意见，一起手嘅鲜奶咖啡可以冲得浓少少，因为奶泡比咖啡多，要等啲冰砖溶一阵先啱口味。
牛油果奶昔 $48牛油果晌来被视为健康有益嘅食，等阵你就知我哋点啲几唔健康嘅小食，所以，其中一个死佬就点咗一杯牛油果奶昔嚟平衡吓。佢话，口感好绵滑，凉凉哋又几清新，牛油果味都几浓郁，够晒真材实料。
牛油果奶昔
$48
33 浏览
0 赞好
0 留言
另一位死佬取态唔同，最紧要够爽，所以，瞄准咗沙冰类，当中以柚子益力多沙冰喺最想试。堆到大大杯，入口凉透心，而沙冰打得幼细，唔会有冰粒感，每口都渗出柚子香甜味，又带有少少益力多𠮶种酸味，好醒神，啱晒衬一阵啲热气小食。
柚子益力多沙冰
$45
36 浏览
0 赞好
0 留言
先嚟一个胆固醇万岁嘅咸蛋黄薯条，唔使多介绍啦，总之就又热气，又高胆固醇，但就惹味好食，咸蛋黄推得唔错，令薯条食起嚟超咸香，加上薯条新鲜炸起热辣辣，感觉就更加正。
奥尔良鸡翼 $65再嚟喺继续唔健康系列嘅炸鸡翼，以往，通常食越南菜会喺牛油炸鸡翼，奥尔良鸡翼就第一次试，所以，唔太知佢本身喺咩味，而食落，有啲似似哋「肯德基」𠮶种，炸得干身唔油，咬落外皮劲脆口，味道咸咸香香，肉质就好嫩滑。
奥尔良鸡翼
$65
31 浏览
0 赞好
0 留言
我都话我哋今餐饭好唔健康，再嚟一个小食都喺炸嘢，虾饼喺自家手打，质素自然睇高一线。虾饼搓成好大件，兼且厚身，入口口感非常𪪼牙，而且，鲜虾味十足，绝无欺场。最钟意喺佢哋每道小食都件住啲酸腌菜，可中和吓啲炸嘢，食落确喺几令人开胃！
软壳蟹米纸卷 $88米纸卷喺好有特色嘅越式小食，所以，一定会嗌，在乎喺点咩口味。数款选择中，软壳蟹似乎最有睇头。米纸卷十分晶莹剔透，睇得到里面卷住好多米粉、生菜、甘笋丝，紥得够实净，入口口感烟韧而清爽，配软壳蟹，好食！
越式鹅肝酱法包 $98话咗胆固醇万岁，越式法包都拣咗款有鹅肝酱嘅。件法包大概8吋长，幢面就塞满好多馅料，如酸萝卜丝、青瓜丝、扎肉及鹅肝酱。一啖过咬落去法包外层超脆，包心软绵，所有食材混合所带出嘅味道纷陈，而鹅肝酱味道丰腴，佐以啲酸萝卜丝、青瓜丝，唔觉腻，反而带有一份清香酸爽。
越式扎肉拌金边粉 + 太阳蛋 $78几个麻甩佬，点都要叫啲粉面饭垫垫肚嘅，而捞金边粉印象中好少食，通常喺汤嘅或炒嘅。碟越式扎肉拌金边粉都好大碟，加埋只煎得好靓仔嘅太阳蛋，伴以少少沙律菜，卖相好唔错。重点咝啲捞金边粉，入口凉凉哋，金边粉好软熟，带微微酸，之后再笃穿只蛋黄捞匀佢，又有唔同风味，而扎肉质感爽爽哋，整体几好食，亦好适合依家天时暑热之下食。
越式扎肉拌金边粉 + 太阳蛋
$78
33 浏览
0 赞好
0 留言
虽然今餐叫嘅嘢，以小食多，但食吓、食吓都几饱，加埋个法包、拌金边粉，就真喺饱晒。几个佬，吹水吹成晚，都喺因为太耐无聚，总之，喺一个愉快嘅死佬之夜。
张贴
