影片
更多
2022-07-12
113 浏览
呢日过咗去金钟做嘢，放工把握机会约朋友喺附近食饭。太古广场一向比人嘅感觉就系贵💰，不过我竟然喺度发掘咗一间性价比非常高嘅泰国菜餐厅「Apinara🇹🇭」。后尾同其他朋友倾开，先知原来佢网上仲有卖套餐卷，抵上加抵！餐厅菜式选择繁多，餐牌大本到一个点，具图片同文字介绍，每款都好吸引，令人心大心细。佢价钱其实同九龙城啲泰国舖唔争得远，贵大约两成左右，但留意返份量系倍半呢。我哋好彩只系嗌咗一份主菜，否则一定食唔晒🙈。泰式椰子鸡汤($108)，呢个椰子鸡汤不得了，系我饮过最好饮，没有之一🤤。汤品味道拿捏得好好，甜咸酸辣兼备，椰子香味浓郁，亦渗出淡淡香茅味。同时，汤料好丰富，鸡肉好滑、好大嚿🐔，另外仲有大量草菇。由于有火㷫住个汤，所以全程保持热辣辣。泰式东北小食拼盘($158)，佢同一般嘅泰式拼盘唔同，虾饼、鱼饼、春卷同串烧等通通都无❌；皆因佢集结咗四款来自泰国东北地区流行嘅地道小食。圆形𠮶粒系东北猪肉丸，外皮酥脆，但估唔到中间部份咁鬼辣🌶。扁身嘅清迈香肠食落有少少似腊肠，几得意；而月亮形状嘅泰式香肠就大件啲，外层肠衣薄脆，入面则系肉丸嘅口感。肉碎沙律较为常见，而且竟然系口味最清新嘅一款。拼盘份量
呢日过咗去金钟做嘢，放工把握机会约朋友喺附近食饭。太古广场一向比人嘅感觉就系贵💰，不过我竟然喺度发掘咗一间性价比非常高嘅泰国菜餐厅「Apinara🇹🇭」。后尾同其他朋友倾开，先知原来佢网上仲有卖套餐卷，抵上加抵！
餐厅菜式选择繁多，餐牌大本到一个点，具图片同文字介绍，每款都好吸引，令人心大心细。佢价钱其实同九龙城啲泰国舖唔争得远，贵大约两成左右，但留意返份量系倍半呢。我哋好彩只系嗌咗一份主菜，否则一定食唔晒🙈。
泰式椰子鸡汤
$108
25 浏览
0 赞好
0 留言
泰式东北小食拼盘($158)，佢同一般嘅泰式拼盘唔同，虾饼、鱼饼、春卷同串烧等通通都无❌；皆因佢集结咗四款来自泰国东北地区流行嘅地道小食。圆形𠮶粒系东北猪肉丸，外皮酥脆，但估唔到中间部份咁鬼辣🌶。扁身嘅清迈香肠食落有少少似腊肠，几得意；而月亮形状嘅泰式香肠就大件啲，外层肠衣薄脆，入面则系肉丸嘅口感。肉碎沙律较为常见，而且竟然系口味最清新嘅一款。拼盘份量多，每样有三件，但各式味道分别唔算好大，都系肉碎类嘅小食，所以适合一班人食多啲👨👩👧👦。
大虾虾头膏炒河粉
$118
23 浏览
0 赞好
0 留言
大虾虾头膏炒河粉($118)，炒河粉超大碟🥢，其实两个人斋食佢都已经饱咗。泰式河粉同港式唔同，面条又宽又薄，唔会碎湿湿，而且口感亦够晒滑嘟嘟。河粉用虾头油炒香，惹味得嚟唔重口味，但食到底就避免唔到油咗少少。🦐𩠌料只得鲜虾，不过有五大只，质感爽弹。
香蒜炒杂菜($78)，杂菜款式多元化，包括有西兰花、椰菜花、菜芯、芥兰、椰菜、粟米笋同红萝卜等。炒菜比起其他菜式相对普通🥦，不过用香蒜炒唔油腻，食得多浓味嘢食返条菜清清味蕾都唔错。
班兰班戟伴云呢嗱雪糕
$88
24 浏览
0 赞好
0 留言
鲜椰子沙冰
$58
12 浏览
0 赞好
0 留言
环境方面，餐厅位处得呢个商场当然有返咁上下🌟，装修颇有气派，用上云石枱，感觉有少少似酒店。不过整体气氛让人放松，而且餐枱阔落，客人坐得舒服。
总括嚟讲，呢间泰菜店质素非常高，食物味道同卖相令人好满意💯，亦难得地抵食，绝对系PP内嘅开心大发现。我仲有好多菜式想食，特别系啲甜品，下次会再嚟帮衬，而且会预先买定Coupon添😝。
张贴
