廣記粥店

营业中

休息中

开心食到一间感觉街坊街里嘅好味粥店，里面装修好旧，可能令人感觉唔太卫生。但事实上我又见唔到枱櫈污糟，或者食具好湿有残渣痴住嘅情况。粥店都几多员工，各施其职，见到佢地一边倾工作一边开心笑，大家都无停手，对客人亦唔会怠慢，好礼貌好亲切。香芋南瓜排骨粥 - 里面有两大旧好滑嘅芋头、一小旧排骨肉，睇到粒粒煲到好熔嘅米粒同南瓜粒，粥底好滑。艇仔粥 - 粥底滑，仲见到米粒，有鱿鱼、肉碎、花生。油烤鬼、炸两 - 炸器无得顶，唔会硬掘掘，无油益味，外脆内软。肠粉好滑，配上甜豉油无得弹，证明新鲜制。咸肉粽 - 简单就是美，肥猪肉、咸蛋黄、绿豆、糯米，黏性够，糯米散发住肥猪肉同糯米嘅香，好味道。