八方庭

营业中

休息中

前两日系公公嘅生日我地成家人就一齐去咗屯门八方庭酒楼食生日饭。叫咗都颇多嘢食就重点介绍印象最深刻㗎啦！第一样系叉烧拼烧腩仔，叉烧每一块都好厚身系半肥瘦，再加上有满满嘅密汁真系好好食。而烧肉个皮好脆口，食落会有卜卜脆声而肉都唔会老！第二样德国脆皮猪手真系令我哋觉得好惊喜！本身觉得应该普普通通但系猪手好脆而且唔会过咸。第三样系污糟龙趸蒸鸡，呢个系成盘上，鸡肉完全冇雪味仲好滑嫩而龙趸最正系冇滑真系啖啖肉，鱼都冇腥好食！第四样系虾球豆腐蒸水蛋尼个就好清淡，食咁多重口味食物再食呢个就岩哂啦，蒸蛋同豆腐都好滑加上弹牙虾仁。最后一样系拔丝菠萝咕噜肉，咕噜肉酸酸甜甜同汁好夹，而菠萝虽然系配料但意外地几甜㖞！