大灰熊廚房 (裝修中)

依排食得太多靓靓餐厅，系时侯普普通通咁食下家常菜！今次去咗将军澳嘅大灰熊厨房，试咗佢哋嘅粟米豆腐羹、粟米斑腩、椒盐粟米同虾仁炒蛋。首先系粟米豆腐羹去暖下胃，呢个汤好滑顺，加入咗新鲜嘅粟米粒同豆腐，啖啖足料，而且重有蛋花，一个唔错嘅日常汤。饮住汤，紧系要食埋一个餐前小食，所以我叫左一个椒盐粟米。外脆内甜，椒盐调味，味道香浓又开胃。粟米嘅甜味同椒盐嘅咸香完美结合。呢道菜式绝对系椒盐粉丝嘅最爱。主食方面，我就叫左虾仁炒蛋同粟米斑腩。虾仁系原只大虾，大大粒，新鲜弹牙，同炒蛋嘅柔软口感形成了完美嘅组合。令到我食到劲饱。