影片
更多
2016-07-11
1239 浏览
兰桂坊..., 真是十年如一日, 由中环地铁, 沿德己立街行上来, 成街都系人, 嚟Happy Hour饮酒, 有室内冷气唔凉, 系要企出街... 应该是常识... 哈哈... 但一到顶, 转弯, 当堂静晒..., 夏季未到中期, 晚上七时的天空, 还是光亮得奇异... 街外光线透入内, 未到繁忙时段, 座位任坐..., 返工放工时间, 由以前的朝九晚五, 变成朝九晚八, 你是香港人, 无理由唔知... 放工后, 约埋同事出嚟吹水, 千企唔好再讲公事..., 唔讲公事, 讲私事..., 最好当然就系讲公司和老板既八卦事... 哈哈..天气热, 消消暑, 最好系一杯大啤, 但下午茶已经饮咗..., 无错! 系"下午啤", 唔系"下午茶"..., 既然饮咗"下午啤", 就来一杯Cocktail吧. 餐厅推介, 其中一款, 名称又真够异类, 名称: "NOTHING... 敝孤陋寡闻, 对于此Cocktail 品种 "NOTHING"的认识, 真系只有nothing... 但跟据餐牌介绍, 材料有Vodka, Melon Liqueur, Coconut rum & Pineapple J
兰桂坊..., 真是十年如一日, 由中环地铁, 沿德己立街行上来, 成街都系人, 嚟Happy Hour饮酒, 有室内冷气唔凉, 系要企出街... 应该是常识... 哈哈... 但一到顶, 转弯, 当堂静晒..., 夏季未到中期, 晚上七时的天空, 还是光亮得奇异...
街外光线透入内, 未到繁忙时段, 座位任坐..., 返工放工时间, 由以前的朝九晚五, 变成朝九晚八, 你是香港人, 无理由唔知... 放工后, 约埋同事出嚟吹水, 千企唔好再讲公事..., 唔讲公事, 讲私事..., 最好当然就系讲公司和老板既八卦事... 哈哈..
天气热, 消消暑, 最好系一杯大啤, 但下午茶已经饮咗..., 无错! 系"下午啤", 唔系"下午茶"..., 既然饮咗"下午啤", 就来一杯Cocktail吧. 餐厅推介, 其中一款, 名称又真够异类, 名称: "NOTHING...
敝孤陋寡闻, 对于此Cocktail 品种 "NOTHING"的认识, 真系只有nothing... 但跟据餐牌介绍, 材料有Vodka, Melon Liqueur, Coconut rum & Pineapple Juice..., 应该似系 MIDORI SPLICE... 饮第一口, 好强的菠萝香味, 蜜瓜味...很轻, 甜饮的酒精度, 尝不到太高, 整体上, 好清新凉爽的感觉...
成日食 Buffalo Wings, 有些厌?? 转转新口味, 试一试 Rockin' Wings ($138), 中文翻译是"摇滚鸡翼", 有些搅笑..., 餐牌上有说明, ".... smoked dry rub, slow roasted...", "dry rub"也有些称呼为"spice rub", 即是用干的香料腌渍(必须加入糖份), 烧烤时, 糖份会焦糖化, 形成一层脆身的香料薄皮紧包鸡翼, slow roasted.... 应该系...近年红人 "slow cook"既兄弟... 哈哈..
如果一边听著rock n roll, 一边食"摇滚鸡翼", 可能更有风味, 至于听边种rock n roll? 则...是个人口味, 视乎你想"摇"得有几劲? 又或滚得几有劲? rock n roll 有咁多种..., range 太阔, 如果想"摇"得劲D, "Guns N' Roses" 是好提议, 如果想"摇"得轻力一点, 那"Foreigner"啦..., "摇滚鸡翼"配上Blue Cheese Sauce, 味道与口感都比较强烈, 加多一条新鲜生西芹, 就可达至口味上的equilibrium了... 55...
一讲"Foreigner", "Foreigner"就到... 此店全年无休, 晚晚都有Live Band 坐阵, 听讲话系"入口"Live Band呀, 来佬货, 啱晒香港人, 唱紧代表作: "I Want To Know What Love Is".. "....In my life there's been heartache and pain, I don't know if I can face it again, Can't stop now, I've traveled so far, to change this lonely life..." 好正..!
American rock 'n' roll 之后, 一转, 来一个义大利传统, Balsamic Tomato Bruschetta ($138), 香脆烤法包, 材料是切碎的番茄粒, 新鲜 basil 和 basil oil, 厨师用 Parmesan 代替常用的 Mozzarella, 味道浓郁一点.
香蒜牛柳粒 ($138), 嗳...! 西洋餐厅做埋中式酒楼小菜, 但做得好过很多中式酒家, 味道比较清淡, 但不是海绵牛肉, 没有中式牛肉那种被苏打粉折磨得体无完肤的海绵状, 绝对是货真价实的原始牛肉质感, 好味有咬口, 夹著连炸蒜皮一起吃, 好满意!
据闻五月尾有两大节日, 分别是"国际汉堡日"和"国际奶昔日", 未有时间研究到底是何方神圣..., 但我认为, 谂呢两个节日出嚟个位人兄, 都算无得顶! ..好应该比翻一日去记念佢啰...哈哈, Hard Rock Cafe 都因应国际汉堡日, 搅了新campaign: World Burger Tour 2016, 推出了一系列国际口味汉堡包.
新加坡款式的 Satay Burger ($178), 新鲜牛肉以沙嗲风味制成, 脆口感的碎花生粒, 爽口的新鲜青瓜和火箭菜, 还加了士拉差沙律酱... 士拉差辣椒酱就食得多, 但士拉差沙律酱有甚么特别?? 我未试过... 单看见牛肉汉堡的厚度, 就已经想一口咬落去...
每款汉堡包都跟碟送上新鲜炸起的薯条, 薯条都有三种口味, 这款是Chili Seasoned Fries wiht Chipotle Garlic Ketchup, 一听见...用墨西哥辣椒做的酱汁, 当堂肃然起敬, 原来会错意, 唔系每只墨西哥辣椒都系"Red Savina", 还有一些平凡的口味, 例如"Chipotle", Chipotle 的辣度, 如果以国际辣度级别, 史高维尔辣度单位, 只是1500SHU, 与劲量级Red Savina的580000SHU, 无得比, Chipotle 还低过一般街市的尖红椒, 而且, 还加了蒜蓉和番茄酱, 用来蘸那刚炸起热辣辣的薯条, 正是酸、辣、甜三味合一.
另一款Burger, 上台, 我挂住食, 无留意包名, 事后看餐牌, 揾呀揾, 揾唔到... 靠估, 应该系 Miami Florida Cuban Burger ($178), Miami..., Cuban...., 应该用"Little Havana"更好吧...., 再揾, 又好似系 New York Big Little Italy Burger ($178), 是旦啦... 订价一样, 差唔多...
Burger 好丰富, 除了那块厚身汉堡牛肉之外, 还有类似炸鱼手指但其实系炸芝士条, 好creamy, 但味道略淡, 应该属于Mozzarella类品种, 重未够, 再加多几片鬼佬烟腊肠, 到底是Salami or pepperoni ?? I 唔太肯定, 餐牌个名, 又Italy, 又new york, 如果义大利, 就系salami, 但如果系美国, 就系pepperoni 喇... 哈哈...
哗... 呢款薯条是 Herb & Garlic Fries with Chimichurri Mayo, 超正! Argentina 的 Chimichurri, 都是翻译为"青酱", 但绝非义大利的 pesto..., pesto唔够专业?? 那..salsa verde?? 都唔系... Chimichurri 是青绿色, 材料都是用香草, 但加了其他香料, 尤其是辣味的香料, 还有坚果, 捞在薯条上, 少少咸, 多多香, 微微辣, 是近年食过最好味的薯条酱汁...
Hark Rock Cafe是餐厅, 也是rock n roll 展览馆, 饮咗酒, 食得半饱, 摇吓摇吓去打个转, 周围看看, 发现了George Michael 对太阳眼镜..., 90后应该唔知 George Michael 系边个..., 但嚟得呢度用餐, 不可能唔知吧..., 就算你唔知边个系George Michael? 都应该听过Wham啩? 吓... 就算你无听过Wham..., 都无理由未曾听过"Last Christmas" 吓??? 都无??? 系乡下耕开田...无留意?... 咁careless whisper 呢..? 梅姐都唱过中文版㖞...
还有"卖飞佛"的Queen, Freddie Mercury 死咗, 都重有得开 concert, 今年9月系香港有得睇! 已经卖紧飞, 主音瓜咗, 都开得咩...?? 梗得!! 唔通开"问米演唱会"??? 哈哈....., 揾咗个后生靓仔 Adam Lambert, 有兴趣同仁, 可以上网听一听先决定买唔买飞, 我本来打算买飞, 但听过后.... 哈哈哈
巨型瓷碟盛载著巨型牛扒, 称为 Porterhouse Steak ($528), Porterhouse, T-Bone, New York strip, 三种都是由牛腰前端 Short Loin 切出来, New York strip 无骨, Porterhouse 和 T-Bone 都有直横T骨, 两者一前一后, Porterhouse Steak 通常是两人的份量, 美国农业部 USDA, 对市场上使用 Porterhouse Steak名称, 都有提供"无法律规定"的指导, T-Bone 的厚度, 最少要达0.25", 但porterhouse 必须达1.25", 当然, 如无法律规定, 商家们真系采你都傻...
20安士的澳洲货, 两位男士刚刚好, 如果女士, 三位都够食, Porterhouse 其实就是最好的T-Bone, 与T-Bone 的性质相同, 骨为中间, 左右分别是西冷和牛柳, Porterhouse的牛柳部份较大, 西冷部份较少, 无论如何, 可以一次过食晒两款, 西冷部位, 肉质的纤维粗一点, 但牛味口感重, 牛柳部份则味道较淡, 但够晒松软, 正是两者兼得.
美国人食牛扒, 喜欢用A1 Sauce, 这款专为牛扒而制的调味汁, 已经有百几年历史, 现时为Kraft 公司制造, 但原来最初是英国人发明...., 但无所谓吧..., 美国人原本都是英国人... oh, sorry... 美国人应该唔会有"大英国胶"吧...??
最后... 饱到郁唔到, 重有甜品... Hot Fudge Brownie ($98), 布朗尼朱古力蛋糕, 面头放了热半溶的朱古力和云呢拿雪糕, 味道十分重口和浓郁..., 整翻杯热茶就最good喇!!
饮咗酒, 红都面晒, 睇嘢都唔系好清楚, 但都重行到直线..., 搭车翻屋企... 绝对无问题! 晚上九时半左右, 坐满人, 好热闹, 气氛一流, 得闲与同事朋友嚟饮饮食食兼吹水, 真系人生乐事!
张贴
