樂園 (已搬遷) 新店位置

久仰乐园个大名，话呢度系一间喵cafe今日终于带埋我家两位宝宝黎试左！ 乐园就系尖沙咀北京道，行完街上黎坐返阵都几方便。一出lift就见到招牌彩虹标志！一入门口就见到猫店长瞓紧觉，好鬼乖猪，任摸唔嬲！睇见menu都已经流晒口水。 原来呢度仲有厨师发板 ，卖相不错，不过我哋咁大食所以都系叫番啲散叫！近排我钟意咗食鱼，所以叫咗个香煎龙胆石斑柳配翡翠汁，石斑柳皮煎得有少许香脆，鱼肉好嫩滑，仲配有大份沙律蔬菜都好新鲜！呀女钟意食牛，点左份安格斯肉眼!加多个小食拼盘， 在场有好多唔同board games边食边玩。甜品就梗系要试下呢度出名嘅怪兽雪糕，我哋怕食唔哂所以叫左个细嘅，有三大雪糕球，仲有啲新鲜生果，卖相好靓！仲有店员帮我地影即影即有，服务很好，整晚不停在唱生日歌熄灯出怪兽大雪糕，happyland真系一个令人开心的地方。