六十六十火鍋 (已結業)

今日系同男朋友行完街之后就好肚饿，见近近地就入左呢间打边炉，又贪佢近地铁站，打边炉吹水吹到夜都唔惊。入到去先知除左正常打边炉仲可以拣粥底火锅，不过有机会下次再食，今次就食左佢个椰子鸡汤底。上咗煲之后就上埋碟鸡仲有两粒桔仔，店员顺便教埋几时落鸡同煮几耐，同埋可以加桔仔汁落酱料到提升鲜味。食晒鸡之后就开始到海鲜，每种海鲜份量都适中但胜在够新鲜同种类够多，啲海鲜上咗一阵到落锅之前都仲识郁，而且睇得出系洗得干净同吐晒沙，斋食唔沾酱都食得出好有鲜味。最后到火锅料，份量好足，差D食唔晒，其中想讲下响铃，餐牌到有讲话系即场炸，浸一阵就食得，食得出同其他舖头炸完放咗好耐个啲唔同，呢到好食好多，下次可以食埋粥底火锅一定仲饱。( ͡° ͜ʖ ͡°)