華小料理屋 (已結業)

登龙街高峰期可以有几间拉面店？我谂我好长时间冇黎了，原来餐厅已经改头换面，午饭时间，选择金朝阳二期嘅华小料理屋，日式门面，睇过餐牌，周六都有供应午市套餐。餐厅装潢简约，以木色为主调，枱与枱间以竹帘相隔，光线柔和。另有一间塌塌米房间，需要脱鞋内进，可容纳8-10人，空间感十足，适合多人聚会，私隐度较高。周末都几full，店员安排我地坐厢房，期后旁边坐左一家人，都唔会觉得嘈吵。午市套餐有14款，餐厅主打日式锅物，除左寿喜烧，仲供应西京烧、网烧和牛、吉列豚肉、和牛丼、鱼生饭、鳗鱼饭、寿司、天妇罗丼等，定价$118-298。御膳包括前菜、沙律、蒸蛋、味噌汤、甜品及饮料，非常丰富。日本A3和牛寿喜烧锅 $238寿喜烧为餐厅招牌，而且选用嘅和牛由日本JA全农直送，品质有保证，肯定要试一试啦。御膳完整一次过上枱，沙律、味噌汤、渍物只为配角，我将心思放喺寿喜烧锅上，急急影左相就食左先讲和牛肉已经置于锅中，未能一睹完整雪花，幸好未完全熟透，冇认真计算数量，粗略估计有六、七片吧，反正我就系两个人分享都好满足和牛轻轻涮一涮就食得，肉质软腍滑溜到不得了，脂肪量适中，沾上生蛋汁，甚至唔需要酱料都已经好正。青森米