影片
更多
2019-06-20
291 浏览
蛋糕：#开心果千层蛋糕 #士多啤梨千层酥甜度（5星最甜）：⭐️⭐️⭐️浓度（5星最浓）：⭐️⭐️⭐️⭐️🍴：餐具 ✔️ / 蜡烛 ✔️ / 冰包 ✔️/ 纸盒✔️🏷：✔️（长度限于36个英文字母或12个中文字以内）💬：永远都总系俾我感觉上唔到大台嘅服务，高级嘅蛋糕，高级嘅Location，高级嘅价钱，但茶仔嘅服务。🔘：件装/ 个装 6”或9”；条装💰：开心果千层蛋糕 $75, 6” $480, 9” $750；士多啤梨千层酥 $62, 条装 $420。————————————————————————性价比：中多谢大家踊跃参加投票，无错，有自由选择真系好重要。结果系有60%嘅followers投咗蛋糕一票，比数唔算大比数胜出，而𠵱个Post都可以话差啲冇得面世！而如果薯条真系多人拣，不论我预备咗几多，用咗几钱去食，我都甘愿唔出𠵱个Post。搞得投票，就要尊重赛果，尊重投票嘅人，尊重民意就系咁简单。Lady M不嬲都唔系我哋杯茶，我哋认为$70几蚊一件蛋糕，接近50%系用嚟买佢个名气，唔值得。而原来对上一次都预言过，「如果下次真系再嚟食 Lady M，一定唔系因为好想食，但只会因为有新味！」无错，真系因为有新味。
甜度（5星最甜）：⭐️⭐️⭐️
浓度（5星最浓）：⭐️⭐️⭐️⭐️
🍴：餐具 ✔️ / 蜡烛 ✔️ / 冰包 ✔️/ 纸盒✔️
🏷：✔️（长度限于36个英文字母或12个中文字以内）
💬：永远都总系俾我感觉上唔到大台嘅服务，高级嘅蛋糕，高级嘅Location，高级嘅价钱，但茶仔嘅服务。
🔘：件装/ 个装 6”或9”；条装
💰：开心果千层蛋糕 $75, 6” $480, 9” $750；士多啤梨千层酥 $62, 条装 $420。
————————————————————————
性价比：中
多谢大家踊跃参加投票，无错，有自由选择真系好重要。结果系有60%嘅followers投咗蛋糕一票，比数唔算大比数胜出，而𠵱个Post都可以话差啲冇得面世！而如果薯条真系多人拣，不论我预备咗几多，用咗几钱去食，我都甘愿唔出𠵱个Post。搞得投票，就要尊重赛果，尊重投票嘅人，尊重民意就系咁简单。
Lady M不嬲都唔系我哋杯茶，我哋认为$70几蚊一件蛋糕，接近50%系用嚟买佢个名气，唔值得。而原来对上一次都预言过，「如果下次真系再嚟食 Lady M，一定唔系因为好想食，但只会因为有新味！」无错，真系因为有新味。
今次介绍嘅系开心果千层蛋糕 同 士多啤梨千层酥。先讲讲评价，过往，只有奶茶味蛋糕吸引到我哋回头，可惜奶茶蛋糕经已落架。但唔紧要，从今日起，你哋可以试试开心果千层蛋糕 又或者 士多啤梨千层酥啦，两款都好味。
开心果先。开心果味好香，好重开心果味，食完真系盲嘅都知佢系开心果味（明㗎啦）。但注意一吓，佢奶味同奶嘅质感都较重，唔钟意奶嘅朋友，未必啱你哋心水。整体蛋糕口感亦好软棉棉，Cream非常充足，千层皮唔鞋口，相信同放得耐唔耐都有影响，堂食就好OK。开心果粒脆口，新鲜。比较过往食过嘅，佢今次真系挽回唔少印象分。
继而，再食埋士多啤梨千层酥，大满足。𠵱个可以话系可以吸引到我回头，或者推荐俾人嘅蛋糕。可惜若然订大版，都系Log Size，较难作为一个生日蛋糕。形容吓，千层酥系似一架双层巴士，外壳系酥皮做成，酥度做得好，唔太硬，有𡁻头，松化。而上层系以新鲜淡忌廉夹住士多啤梨，口感似食紧Custard。士多啤梨唔酸，甜度刚好，几refresh。而下层就系海棉蛋糕加同上层一样嘅淡忌廉。由于佢个淡忌廉做得好好，食落好好味，湿润度高，唔漏，好喜欢。
不过好味还好味，我觉得$62到$75一件蛋糕，都系略为贵，性价比未能达至中上。间唔间一次，可以（特别知道埋个反式脂肪咁高）。但若然去Lady M点都要洗一次钱，𠵱两件可以系个选择。
开心果千层蛋糕
$75
20 浏览
0 赞好
0 留言
士多啤梨千层酥
$62
24 浏览
0 赞好
0 留言
张贴
