影片
更多
2018-11-14
1356 浏览
3年, 足足3年无去过新南苑噜…十年前一晚, 曾经同友人上牛头角街市揾饭食, 鬼遮眼咩都无水静河飞, 但3年前上到去竟然大大间大排档系眼前! 如果我坐架由旺角开出嘅红VAN 去牛头角, 成件事就超鬼秘!首先, 好鬼憎食烟嘅人最好咪鬼上去帮衬, 因为上到去四处都有烟民.另外有洁癖同自命清高嘅人都唔好帮衬, 虽然新南苑唔系污糟都好过份, 但洁癖D人总会嫌三嫌四, 隔离果枱港女就系噤!想叫豆苗, 卖哂! 想叫焗蚝, 卖哂! 唉…… 点四个菜两个沽清, 总有点失望吧 …..韭菜猪红, 椒盐鸡软骨, 西兰花炒牛肉, 红烧乳鸽一只, 再加支啤酒! 系, 无错, 啤酒唔系我饮嘅!新南苑好奇怪, 人地韭菜猪红系韭菜多猪红得几旧, 佢就掉翻转, 猪红多过韭菜!同样情况又再次出现系西兰花炒牛肉上, 人地炒牛肉份量少得可怜, 新南苑炒牛肉明显其他餐厅多, 咁嘅表现有咩办法唔俾Like 呢?好多时食椒盐鸡软骨同红烧乳鸽, 都唔系热, 今次例外, 热嘅! 食鸡软骨小心辣咀添!比较特别系椒盐鸡软骨, Size 比其他餐厅大粒, 外脆之余, 内里亦比较juicy, 系一次开心满意嘅饭局.唯一投诉系张櫈, 无椅背坐得
十年前一晚, 曾经同友人上牛头角街市揾饭食, 鬼遮眼咩都无水静河飞, 但3年前上到去竟然大大间大排档系眼前! 如果我坐架由旺角开出嘅红VAN 去牛头角, 成件事就超鬼秘!
首先, 好鬼憎食烟嘅人最好咪鬼上去帮衬, 因为上到去四处都有烟民.
另外有洁癖同自命清高嘅人都唔好帮衬, 虽然新南苑唔系污糟都好过份, 但洁癖D人总会嫌三嫌四, 隔离果枱港女就系噤!
想叫豆苗, 卖哂! 想叫焗蚝, 卖哂! 唉…… 点四个菜两个沽清, 总有点失望吧 …..
韭菜猪红, 椒盐鸡软骨, 西兰花炒牛肉, 红烧乳鸽一只, 再加支啤酒! 系, 无错, 啤酒唔系我饮嘅!
新南苑好奇怪, 人地韭菜猪红系韭菜多猪红得几旧, 佢就掉翻转, 猪红多过韭菜!
同样情况又再次出现系西兰花炒牛肉上, 人地炒牛肉份量少得可怜, 新南苑炒牛肉明显其他餐厅多, 咁嘅表现有咩办法唔俾Like 呢?
好多时食椒盐鸡软骨同红烧乳鸽, 都唔系热, 今次例外, 热嘅! 食鸡软骨小心辣咀添!
比较特别系椒盐鸡软骨, Size 比其他餐厅大粒, 外脆之余, 内里亦比较juicy, 系一次开心满意嘅饭局.
唯一投诉系张櫈, 无椅背坐得唔太舒服啰!
张贴
