影片
更多
2013-03-22
31 浏览
朋友生日，一行10人去庆祝，本来去食韩式烧烤，但有人提议试新野，去咗铜锣湾新开嘅一寿司料理，系食日式放题，咁一班人食buffet又几开心。餐厅内环境都宽敞，座位舒服，但book咗位食8:00pm时段，去到都几多人等入座，不过都安排得好快。有个朋友一坐低就叫咗两大盘刺身，有9款刺身，都好大堆头，大家都忍唔住影相。北寄贝真系好大块，厚肉嘅北寄贝特别爽口，有款叫白玉豚刺身，即系白吞拿鱼，食落似剑鱼腩，鱼肉好有质感充满油份，好食过普通嘅吞拿鱼，甜虾真系好甜美，希灵鱼就一般，得个爽口，可能我麻麻地希灵鱼，而松叶蟹棒雪得太冰，蟹味亦唔太够，不过个海螺片又几鲜味㖞，而三文鱼都系靓嘅货色，整体刺身都又新鲜又肥美，睇得又好食。手卷size系比较细件，几啖就食晒，但呢个份量几好，可以留返个肚食其他野。最好食嘅系海胆手卷，好大旧海胆，非常新鲜，特别鲜味，一口气食咗2件。有4款沙律可选择，我地咁多人，就叫晒4款，我个人喜好系豆腐沙律，比较清新可口，几开胃。呢度汽水任饮，茶都有3款，全自助形式，汽水都有好多选择。有几款食物叫茶碗蒸，睇英文steamed egg先知系蒸蛋，我食咗黑松露茶碗蒸，黑松露味好香，令成碗
有个朋友一坐低就叫咗两大盘刺身，有9款刺身，都好大堆头，大家都忍唔住影相。北寄贝真系好大块，厚肉嘅北寄贝特别爽口，有款叫白玉豚刺身，即系白吞拿鱼，食落似剑鱼腩，鱼肉好有质感充满油份，好食过普通嘅吞拿鱼，甜虾真系好甜美，希灵鱼就一般，得个爽口，可能我麻麻地希灵鱼，而松叶蟹棒雪得太冰，蟹味亦唔太够，不过个海螺片又几鲜味㖞，而三文鱼都系靓嘅货色，整体刺身都又新鲜又肥美，睇得又好食。
手卷size系比较细件，几啖就食晒，但呢个份量几好，可以留返个肚食其他野。最好食嘅系海胆手卷，好大旧海胆，非常新鲜，特别鲜味，一口气食咗2件。有4款沙律可选择，我地咁多人，就叫晒4款，我个人喜好系豆腐沙律，比较清新可口，几开胃。呢度汽水任饮，茶都有3款，全自助形式，汽水都有好多选择。
有几款食物叫茶碗蒸，睇英文steamed egg先知系蒸蛋，我食咗黑松露茶碗蒸，黑松露味好香，令成碗蒸蛋好味晒，蛋亦好滑，蒸得啱啱好，唔会令d蛋老，好好味嘅一个蒸蛋。冬茹天妇罗同南瓜天妇罗都好食，特别系南瓜天妇罗够甜，而个天妇罗粉浆炸得够松脆，唔太油，好食。
有人食咗皇帝蟹石锅粥话好食，份量唔系好多，一个饭碗左右，我地每人都叫咗一碗食，个粥煲得好绵好鲜甜，虽然唔系一啖啖蟹肉，但真系有蟹嘅鲜味，加埋有蟹籽，味道特别好。另外仲食咗好多炸物及串烧，人多食日式放题最大嘅优点，就系可以点不同类型嘅食物每样食d，感觉特别开心。
甜品有自助乳酪及软雪糕，我食咗蓝莓乳酪，加咗玄米粒、乳酸爆珠、胚芽粉及彩色朱古力条，好好味。朋友生日，只要book位时讲低，当晚出示埋身份证，4个人以上食饭，就有蛋糕送，个蛋糕系朱古力mousse蛋糕，浓浓嘅朱古力味，mousse cake又够软滑，估唔到送嘅蛋糕都咁好食，抵赞！下次再有朋友生日，可以再嚟呢间食生日饭。
张贴
