同人鍋 (已結業)

打边炉呢样野，无论几时都系咁想食咁钟意食！今晚就同朋友去到出名多餐厅嘅山林道，食下呢个无限时嘅鸡煲火锅。餐厅需要上一层楼梯就到，坐得都阔阔落落。坐低无几耐，店员已送上热辣辣鸡煲，配料非常丰富，包括有大量洋葱、辣椒、芹菜同芫茜等等，鸡件都几多同肉质嫩滑，沾埋D洋葱一齐食好惹味！ 食到咁上下鸡煲后, 就到重点火锅汤底登场！有原只龙虾/花胶汤底选择, 我地海鲜爱好者就当然选前者，除左大大只龙虾，仲有海鲜拼盘：钻石蚬、鲍鱼、广岛蚝、白鳝、和海虾、花甲、鱿鱼等等时令海鲜，包你个汤底更加鲜甜无比！除左特定几款如鲍鱼,无得追加，其他都可以refill, 食多几转真系好抵！店员都好好咁提醒海鲜的受烹调时间，唔会overcook浪费左海鲜喇！最紧要D海鲜系新鲜无沙，咁先食得安心。 店员转头又递上火锅料，如肥牛，丸，午餐肉，肠仔，蔬菜、水饺等等，当然大家可以食完再REFILL。比较特别如紫薯水晶包同台式肠都好好味又少见，我食左好多紫薯水晶包，好烟靭又唔太甜，值得一试！ 饮品方面，店中有个饮品柜，可以自己随便去拎，无限时关系，可以尽情食下饮下倾下，都系朋友聚会好地方呀！