尚興潮州海鮮飯店 (已結業)

屋企人生日，适逢要去西环买嘢，就特登嚟尚兴食潮州嘢。早咗少少嚟，虽然要分枱坐，都可以坐埋喺附近。叫咗鸡红、鹅片拼鹅肠、糖醋面、芋头炒饭、炸大肠。全部食物都好好味，鸡红好入味好滑。鹅片拼鹅肠有惊喜，就系啲豆腐好滑。芋头炒饭啲虾米好香，芋头好，啲咸肉好惹味。炸大肠的色泽唔系好靓，不过家人讲得啱，出边好靓𠮶啲炸大肠嘅色，应该系有一啲色素。糖醋面有水准，煎得香脆。最期待系个甜品，虽然冇清心丸，但系啲绿豆好爽。侍应仲介绍我哋落少少金橘柠檬，我就麻麻哋，不过家人都好喜欢。值得一题嘅系所有侍应嘅服务都好殷勤同埋亲切，知道我哋系分枱坐，会提供多只碟俾我哋分数，有啲仲帮我哋分埋。中间不断加茶，又教我哋点样食𠮶个甜品。然后偷听到隔离对食物质素有意见，一个好似老板嘅人出咗嚟试味同埋解释，仲不断同对方讲唔好意思，仲检讨返个问题，诚意可嘉。