少爺18 (已結業)

呢一日同啲姊妹黎到新都会广场庆祝我既生日，呢个地方系我拣既(笑)。我系第一个到，黎到就比个环境吸引住：有好多只碗挂系墙上做装饰，好colourful。另一边仲有一幅舖上假叶既墙，觉得几靓几有心思。就连用食具同餐牌都有花花既pattern，啱晒钟意fancy既女仔。我地叫左个黄梨酸菜烧肋骨。牛肋骨好入味，又煮得好稔，同美式既牛肋骨感觉唔太一样，但都好食。另外其实黄梨即系菠萝，加上酸瓜做伴菜，其实无咩特别。又叫左个捞起沙津，贪佢够特别，其实就系一啲薄脆、炸芋丝、青瓜、金柚、甘荀、子姜同埋香蒽，加入以冰梅酱、鱼露、麻油同青柠制成既酱去调味，配味稍为干，但加上个酱衬得好好味，令人想一尝再尝。唯一不足系个酱既份量唔系好够，到余下四分一时得返啲𩠌就变得好淡口。叫左个干炒牛河，比茶餐厅食到既稍甜，但同样惹味。肉骨茶系食新加坡菜时必点既，不过我都觉得一般般，没有好特别。仲有个炒杂菜，系想平衡下食左咁多肉，菜够新鲜，但个酱既味道就麻麻，所以我地食剩左。最后饮左杯美碌，佢其实有两款，一款有加雪糕而另一款无，我饮呢只就无既；都几香甜好味。整体感觉不错，环境好唔赶人，但食物质素可以再进步！