Co-Dining Space (已結業)

终于到咗我嘅生日月份啦！咁即系要展开一连串的增肥饭局了！今晚好同事约了我及家人一起去尖沙咀广东道一间楼上西餐厅享用美食。Co dinning space 在海港城对面的流尚坊楼上，地点几方便。餐厅布置清雅，坐得几舒适！是日放工即刻去开餐，六点已到达餐厅等家人一齐 ，先叫咗饮品倾吓计先。叫咗一杯特浓朱古力奶昔同冻榛子咖啡。人齐了，先吃前菜，点了一份Parma ham哈蜜瓜，又咸又甜的组合相当夹！再来一份白酒煮青口，青口鲜嫩美味！主菜叫了一份酱汁猪筋骨及烧春鸡，一份配薯条，一份配薯蓉！d薯条份量十足，而且香脆可口，又唔会干身！好好味！烧春鸡都几大只，腌得几香，带少少微辣，配埋沙律菜同薯蓉，完全唔觉得肥腻！大约七时，餐厅已差唔多满座，可能系写字楼啲人放工过嚟食饭，不过餐厅播着音乐，其他食客都唔会太大声倾计，仍然坐得好舒适。