EAT ME Bar & Restaurant (已結業)

今日约咗friend子庆祝生日，虽然已经过咗一个礼拜，不过唔紧要啦！志在见吓面倾吓计，拣 Eat me 因为地点方便而且灯光又有啲情调。散叫同二人餐都同样抵食，可以食多啲款式开心share。最紧要留肚食最后嘅惊喜！套餐有沙律 & 餐汤一啲都唔会求其，house salad 粟米同埋麻酱味道配搭得很好。蕃茄杂菜汤带酸味好开胃。温泉蛋烟肉野菌卡邦尼朋友系卡邦尼 fans，无论怎样配搭她都会很喜欢！温泉蛋汁充满幸福感觉，烟肉野菌令意粉更加有口感。水牛城鸡翼亦系朋友每一次见到鸡翼都会点算嘅菜式，皮脆肉嫩又多汁，再加上水牛城酱汁的香辣口味，大家食得好滋味！肉酱芝士薯条另一位朋友系薯条怪，尤其是喜欢食粗薯条，肉酱芝士令薯条食起嚟味道更丰富，面层铺满芝士仲有拉丝感觉添！比利时生日窝夫配雪糕 可以话系今晚嘅高潮，服务真系贴心到不得了。除咗帮我地喺碟度写名之外，最惊喜就系出场嘅时候，投影机同步播放 生日快乐 嘅卡拉OK歌曲，全场气氛立即热闹起来！窝夫热辣辣又软熟，配曲奇雪糕 口味独特，令人回味再回味！Oreo 脆脆朱古力冰沙最后饮多杯冰冻嘅 smoothie ，浓郁嘅朱古力口味，赞一个！