CHEF STAGE de Eddy Chu (已結業)

12月系我嘅生日月，终于到朋友帮我庆祝啦🤣今日我地就book左尖沙咀依间西餐厅。睇落五道菜套餐都好多嘢食，而且有生日优惠，买一个餐送一个$488嘅五道菜套餐，多除小补，所以我哋都唔谂咁多，一人嗌左一个🤣首先沙律系蟹肉三文鱼沙律。三文鱼好新鲜，三文鱼中间夹住啲蟹肉，慢慢切开，连埋啲黑醋食，特别食到三文鱼同埋蟹肉嘅鲜味。之后我哋就嗌左一个黑松露蘑菇汤。汤嘅质地唔系好稠𠮶度，饮落去好香黑松露味，而且调味啱啱好。前菜方面，依个蟹肉冬阴功日本年糕真系好出色。年糕煮得好烟靭，食落去唔漏，而且冬阴功酱汁少少甜甜地、微辣，真系越食越上瘾！主菜方面，我就嗌左一个法式明炉海龙皇，里面有好多唔同嘅海鲜，海鲜控必食🤤🤤加上个酱汁酸酸甜甜，食落特别开胃！朋友就叫做依个慢烧美国牛肉眼，依个肉眼限定要四成熟，朋友钟意食生少少，觉得肉味可以浓味啲。牛肉亦都好嫩，唔会好韧。最后甜品系蓝莓芝士蛋糕。唔系好甜，芝士味好浓，加埋最个饼底一齐，好好味！总括而言，依餐生日饭都唔错，而且大家可以坐低聚一聚，都系一个倾偈嘅好地方。